14
июль
2023
Өзін өзі бағалау Тәрбие жұмысының қорытынды есебі
«Алматы облысы Білім басқармасының Талғар ауданы бойынша білім бөлімі» мемлекеттік мекемесінің « №11 жалпы білім беретін орта мектебі» коммуналдық мемлекеттік мекемесі
2022-2023 оқу жылына арналған тәрбие жұмысының жылдық қорытындысы
Тәрбиенің мақсаты:
Мектебінде 638 бала тәрбиеленіп, білім алып шықты. Мектеп 2 ауысымда жұмыс істейді. Мектептің тәрбие жұмысының негізі 8 бағытты бойынша жылдық тәрбие жоспары жасалып, бекітілді. Мектепте 39 класс комплектісі бар, онда 39 сынып жетекшісі тағайындалып, жұмыс жасалынды. Оқу жылының басында барлық сыныптарда ата - аналар жиналысы ұйымдастырылып, әр сыныптың ата-аналар комитеті сайланды. Жалпы мектеп бойынша оқушыларға жиналыстар өткізіліп, мектеп ережесі, қауіпсіздік дәптерлері басталып, оқушыларға қауіпсіздік ережелері таныстырылды. Қайрат станциясынан қатынайтын оқушыларға тасымал ұйымдастырылып, кестесі бекітілді. 42 бала тасымалмен қамтамасыз етіліп отыр.
Тәрбие үдерісі - бұл тұлғаның тәрбиелік деңгейі, ол оқушының қоршаған әлеуметтік ортамен және жалпы қоғаммен әрекеттестікке дайындығымен сипатталады Білім алушыларды парасатты да білікті, мәдениетті де білімді етіп тәрбиелеу мақсатында сынып жетекшілер оқушының тәрбиелік деңгейін бақылайды. Тәрбие жұмысын тиімділікпен ұйымдастыру мақсатында мектепте сынып жетекшілерінің әдістемелік бірлестігі жұмыс істейді.
Қазақстандық патриотизм және азаматтық, құқықтық тәрбие бағыты
Мектебімізде, 1 қыркүйек –Білім күніне арналған салтанатты жиын мен тәрбие сағаттары өтті.
Тақырыбы: «Білімге ұмтылу, еңбексүйгіштік пен отаншылдық!»
Мақсаты: 1қыркүйек -Білім күні, үлкен мереке екенін балаларға жеткізе білу, білімге деген құштарлығын арттыру, мектептің білімді оқушыларын елжандылыққа тәрбиелеу.
1қыркүйек -Білім күніне арналған «Білімге ұмтылу, еңбексүйгіштік пен отаншылдық!» атты іс шара 2 кезең бойынша өтті.
I кезең
1.Қатысушылардың алдын –ала белгіленген орындарға тұруы
2.Аудан әкімінің құттықтау сөзі
3.Әліппе тапсыру
4. Ата-аналардың құттықтауы
II кезең: 1сынып оқушылары мектепке, өз сыныптарына кіруі
Бұл мереке мектеп табалдырығын алғаш рет аттағалы отырған 1-сынып бүлдіршіндеріне арналады.
1-сыныпқа қадам басқан бүлдіршіндерді, ұстаздарымен таныстыру.
1 «А»сынып жетекшісі Жұмақанова А.Д.
1 «Ә»сынып жетекшісі Есжанова Г.Б. 1«В»сынып жетекшісі Елубаева К.А.
1 «Б» сынып жетекшісі Зайцева О.С.
1 «Г» сынып жетекшісі Бидайбекова Д.А.
ҚР мемлекеттік рәміздерінің орналасу тәртібі туралы
Мектептің кіре беріс фойесінде Мемлекеттік Рәміздер тақтасы жасалған. Білім алушыларды Рәміздерді қастерлеп, құрметтеуге тәрбиелеу.
Оқушылар Мемлекеттік Рәміздердің авторларын жаттап, Мемлекеттік Гимнді салтанатты жиындарда орындайды. Мемлекеттік рәміздерді құрметтеу туралы сынып жетекшілер оқушыларға сынып сағаттарын өткізіп, әрдайым айтып отырады. Алдағы уақыттарда мектебімізде мемлекетіміздің рәміздерін насихаттау барысында жоспар жасалып, іс шаралар өткізіледі .Мемлекеттік рәміздерді құрметтеу – елді, халықты, тарихты, әдет- ғұрыпты, салт- дәстүрді қастерлеу болып табылады.
Тәуелсіздіктің 31 жылдығына орай ұйымдастырылған «Мемлекеттік рәміздер –тәуелсіздік символы» тақырыбында өткізілген іс-шаралар
Мақсаты: Оқушылардың мемлекеттік рәміздер жөніндегі білімдерін кеңейту, оларды отаншылдыққа, ұлтжандылыққа, өз елінің тарихын білуге тәрбиелеу және оны құрметпен мақтан тұту керектігін ұғындыру, ой – өрісін кеңейту.
ҚР - сы Тәуелсіздігіне байланысты іс-шара жоспары жасалып, сол жоспар бойынша жұмыс жүргізілді. 5-10 сыныптар арасында «Тәуелсіз менің өз елім» тақырыбында эссе жаздырылып, 10а - 9а сынып оқушылары шағын сыйлықтармен марапатталды.
«Мен Тәуелсіз мемлекет азаматымын» тақырыбында жоғарғы сыныптарда дөңгелек үстел өткізілді. Әр сыныптарда Тәуелсіздігімізді насихаттайтын тәрбие сабақтары өткізілді. «Менің Отаным» 5а сыныбында, «Тәуелсіздік толғауы» 8а сыныбында, «Мақтанышым рәміздер» 6а сыныбында, «Қазақ елінің қаһармандық тарихы» 8-9 сыныптарда, «Отаным кең байтақ» 7а сыныптарында тәрбие сабақтары өткізіліп, сынып жетекшілер қазақ елінің тәуелсіздік алмастан бұрынғы тарихын түсіндіре келіп, Тәуелсіздікке қалай қол жеткізгендігімізді, оны қалай мақтан тұтатынымызды айтып түсіндірді.
Мектебіміздің кітапханасы да белсенділікпен өз жұмысын атқара білді. Оқушыларға арналған «Тәуелсіздік тағдыры ынтымақ пен бірлікте» атты қабырға бұрышын шығарып, оқушыларға қызықты да мәнді кітап көрмесін ұйымдастырды.
Тәуелсіз ел аталып, төбемізге ту тігіп, тіліміздің мәртебесі артып, әлемге атымызды танытып жатқан кезеңде ұлттың, елдің болашағы – жас ұрпақ тәрбиесіне мемлекеттік рәміздерді таныту мақсатында мықты көңіл бөлінуі қажет. Ту, Елтаңба, Әнұран – біздің елдік белгіміз, елдің құтты қасиеті. Қазақстан – Туымен тұғырлы, Елтаңбасымен еңселі, Әнұранымен айбатты.
Әр сабақта оқушылардың шығармашылығын, логикалық ойлау қабілетін, талғампыздығын білім, білік дағдыларын, Отанға, мемлекеттік рәміздерге, елге деген сүйіспеншілігін арттырып, оқушыларды топшылдыққа, мейрімділікке, адамгершілікке, Отан сүйгіштікке, батылдыққа, ел рәміздерін қастерлуеге тәрбиелеу мақсаты тұрады. Мектебімізде Елбасының «Болашаққа бағдар: рухани жаңғыру» бағдарламалық мақаласын іске асыру мақсатында Қазақстан Республикасының Рәміздерін насихаттау бойынша тәуелсіздігіміздің 31 жылдығына орай ұйымдастырылған «Мемлекеттік рәміздер –тәуелсіздік символы» тақырыбында апталық өтті. Мереке күндері Қазақстан Республикасының Гимні орындалады. Мектеп оқушыларына ҚР-ның рәміздерінің тарихымен, авторларымен, құрылу кезеңдерімен таныстырылып өтілді. Біздер тәуелсіз қазақ елінің жасұландарымыз. Мектеп кітапханашылары мен тарих пәнінің бірлестігі «Қазақстан Республикасының - Рәміздері» тақырыбында стенд көркемдеді. Сонымен қатар сынып жетекшілер «Қазақстанның Мемлекеттік - Рәміздері» тақырыбында Дөңгелек үстел, интеллектуалды ойындар, сынып сағаттарын өткізді. Қазақ тілі мен әдебиеті пән мұғалімдері 5 сынып оқушыларымен «Рәміздерім - мақтанышым» тақырыбында мәнерлеп оқу өткізді.
4 маусым Мемлекеттік рәміздер күні. Қалыптасқан дәстүр бойынша, бұл күні ұлттың ұйытқысы мен бірлігінің ерекше атрибуттары болып саналатын мемлекеттік рәміздердің жоғары маңыздылығын айқындайтын бірқатар шаралар өткізілді. Атап айтсақ, «Менің туым – менің мақтанышым!» жалпыұлттық челленжге мектеп оқушылары мен мұғалімдер қатысты. Бейнеролик мектептің әлеуметтік парақшаларына орналастырылды.
«Қазақстан халқы тілдері күні» қарсаңында тілдердің айлығы аясында өткізілген шаралар
Мектебімізде 5 қыркүйектен бастап «Өзге тілдің бәрін біл, Өз тіліңді құрметте» тақырыбы аясында іс-шара өткізілді.
Қазақстан Республикасының «Тіл туралы» Заңы тілдердің қолданылуының құқықтық негіздерін, мемлекеттің оларды оқып-үйрену мен дамыту үшін жағдай жасау жөніндегі міндеттерін белгілейді. Қазақстан Республикасы орта, арнаулы орта және жоғары білімді мемлекеттік тілде, орыс тілінде, ал қажетіне қарай және мүмкіндігі болған жағдайда басқа да тілдерде алуды қамтамасыз етеді. Мектебімізде тілге байланысты өткізілетін іс-шараларға қазақ тілі мен әдебиеті ұстаздар қауымы да белсене ат салысады. Әрбір өткізілген жұмысқа есеп беріліп, өткізілген іс-шара жұмысының фотосуреттері жинақталып, альбомдар мен жинақ папкалары жасалынған.
5-10 қыркүйек күндері 6 «А», 8 «Ә» сыныптар аралығында Қазақстан Республикасы халқының Тілдері күні мерекесіне арналып «Мемлекеттік тіл-менің тілім», «Ана тілім-ардағым» атты тақырыптарда сынып сағаттары өткізілді. Сынып сағаттарының алға қойған мақсаты: оқушылардың азаматтық, адамгершілік, ізгілік қасиеттерін, ұлттық рухани санасын, эстетикалық биік талғамын, өмірлік тәжірибесін байытып, тілімізді құрметтеп, аялай білуге тәрбиелеу болмақ.
Қазақ тілі мен орыс тілі пәнінің мұғалімдерінің ұйымдастыруларымен, 9-11 сыныптар аралығында «Тіл тұтастығы-ел тұтастығы» атты тақырыбында шығармалар байқауы ұйымдастырылды. Шығарманы жақсы жазған оқушылар мақтау қағазымен марапатталды Атап айтсақ, Билял Ақерке 9 «А» сынып оқушысы-1орын, Орынхан Айдана 9«А» сынып оқушысы-І орын, Найманғали Дидарлым 9 «Ә» сынып оқушысы-ІІІ орынға ие болды.
Орыс тілі пән мұғалімдері Шаяхметова А.С, Нургалиева А.С.«Өзге тілдің бәрін біл, өз тіліңді құрметте» тақырыбында интеллектуалды ойын ұйымдастырды. Ойын барысында оқушыларымыз үш тілді қалай меңгергендіктерін байқатты. « Язык-важнейшее средство общения» тақырыпта мектепішілік кеш өткізілді. Мақсаты: оқушылардың тіл туралы білімдерін жетілдіру, өз тіліне, туған жеріне құрмет көрсетуге баулу. Жиында Қазақстан Республикасының әнұраны орындалып, оқушылар тілге байланысты әдеби-монтаж қойды. Бірнеше тілге байланысты тақпақтар айтылды,орыс тілі пәнінің мұғалімі Шаяхметова А.С« Язык-важнейшее средство общения» яғни«Тіл-қарым қатынас қуралы» атты тақырыпта баяндама оқыды Сондай-ақ, оқушылардың тіл туралы білімдерін жетілдіру,өзге тілдерге,туған жеріне құрмет көрсетуге баулу мақсатында 1-11-сынып оқушылары арасында челлендж ұйымдастырылды.
25.11.2022ж. қазақ тілі мен әдебиеті пәнінің мұғалімі Садуова А.М 6-сынып оқушыларымен «Ана тілім ардағым» тақырыбы бойынша ашық сабақ өткізді. Сабақ басында оқушыларға сабақтын мақсаты түсіндіріліп, оқушыларға жақсы көңіл күй сыйлады,топтық, жұптық тапсырмалар орындалды.Сабақ арасында грамматикалық тапсырмаларды да орындап, сергіту сәті де болды. Сабақта оқушылар слайдтарды таныстырып,әр-түрлі әдіс- тәсілдермен жұмыс жасады. Оқушылар арасында кері байланыс жүргізіліп, бағаланып отырды. Өзінің іс-тәжірибесінде күнделікті сабақтарда қолданатын әдістерін айтып өтті. Сабақ соңында кері байланыс жасалып,оқушылар балдық жүйемен бағаланды.
23.11.2022 ж. Қазақ тілі мен әдебиеті пәнінің мұғалімі Қарабаева Г.Қ 4-сынып оқушыларымен «Тіл менің тірегім» тақырыбында ашық сабақ өткізді.Сабақ басында үй тапсырмасын сұрау арқылы топқа бөлді. Тақтада тұрған үй тапсырмасының сұрақтарына жауап бере отырып әріптер арқылы сөз құралып, 2 топқа бөлінді. Мәтінді аудио арқылы тыңдатып, «сұрақтар пирамидасы» әдісі арқылы топтық жұмыс тапсырмаларын орындады. Жұптық жұмыс тапсырмасын«адасқан арал» әдісі арқылы орындатты. Жаңа сабақ бейнеролик арқылы көрсетілді. Заманауи әдіс-тәсілдерді пайдалана отырып сабақтағы мақсатына жетті.
6-11 сынып оқушылары арасында «Имя Маншук всегда в нашем сердце» тақырыптағы бойынша сыныптан тыс әдебиеттік кеш ұйымдастырылып, оқушылар Маншук Маметова туралы өлеңдерін оқып, Халық қаҺарман қызының бейнесін сомдап, сахналық көріністер көрсетті. Барлық сынып оқушылары бұл іс-шараға белсене атсалысты.
Тәуелсіз Қазақстанның басты байлығының бірі- ұлтаралық ауызбірлік. Ата-бабаларымыз ғасырлар бойы бейбіт те, тыныш заманды аңсаған. Сол заман орнаған кең- байтақ елімізде көптеген ұлт өкілдері бір үйдің баласындай тату-тәтті өмір сүріп жатыр. Әрдайым солай болғай! Тіліміздің мәртебесін асқақтатып –әр ұлт өкілінің міндеті. Сондықтан осыған байланысты мектебімізде басқа тілдерге де құрметпен қарап, әрбір ұлттың баға жетпес мұрасы тіл екенін сезіндіру үшін, мектебімізде Тіл заңының орындалуына ерекше көңіл бөлінді.
16 желтоқсан «Тәуелсіздік күні» аясында өткен іс-шаралар
Мектебіміздің 10 «А», «Ә» сынып оқушылары «Желтоқсан құрбандары» атты қабырға газеттерін шығарып, онда қазақ жастары Желтоқсан құрбандары болған Қ.Рұсқұлбеков, Л.Асанова, Е.Сыпатаев, С.Мұхамеджанова сынды қайратты да, жігерлі, намысты ұл – қыздарымыздың соңғы ақттық сөздері жазылған, Тәуелсіздікке жеткен осы жастарымыздың арқасы деп білеміз. Жас маман, қазақ тілі мен әдебиеті пәнінің мұғалімі Н.Жанабаева 5 - 7 сынып аралығында «Менің елім - Қазақстан» тақырыбында оқушыларға эссе жаздырды. Эссе тақырыптары «Менің отаным – Қазақстан», «Туған жер».
«Тәуелсіз ел - Қазақстан» атты суретшілер байқауы да өз деңгейінде өткізілді. Көркем еңбек пәнінің мұғалімдері Гумаров М.К; Мусабалаев Н.Н. оқушылардың потриоттық сезімдерін оята білді, оқушылар туындыларынан қазақ елінің кең байтақ екенін суреттей білді. Өнер сүйетін балалар әлемді ашық түрлі түсті бояулармен көркемдей білді. Жоғарғы сынып оқушылары аралығында дене шынықтыру пәнінің мұғалімі А.Тілепберген; Р.Мусаев «Волейбол», «Баскетболдан» жарыс өткізді. Оқушыларға салауатты өмірді сақтайық тақырыбында кеңес сағаттарын да өткізді. Жарыстың басында оқушылар жаттығуларды жасады. Салауатты өмір салтын сақтау туралы әр түрлі қабырға газеттері ілінді.
Мектепте Тәуелсіздік күні аясында онкүндік жоспары жасалып, шаралар жоспарға сай өтті. "Тәуелсіздік күніне" орай мектеп кітапханашысы Жубаниязова М. 1-11сыныптар арасында «Қазақстан Республикасы Тәуелсіздігінің 31 жылдығы» атты кітап көрмесін ұйымдастырды. Кітап көрмесі еліміздің тәуелсіздік алған сәтінен бастап бүгінге дейінгі жүріп өткен жолы туралы қаламгерлердің жазған еңбектері мен тәуелсіздік жылдарында баспадан шыққан әдебиет туындыларымен қамтыды. Көрмені ұйымдастырудағы мақсат – Ата-бабамыздың тәуелсіздік жолындағы ерлігін үлгі етіп, Тәуелсіздік алғаннан кейінгі Қазақстанның дербес мемлекет ретінде қалыптасу тарихына шолу жасау, осы жолда тұңғыш Президент Н.Ә.Назарбаевтың кемел саясаты мен ерен еңбегін де көпшілік қауымға таныту. 15.12.2022ж. "Тәуелсіздік күні" мерекесі аясында өтетін «Тәуелсіз елдің- Ұланымын!» атты қабылдау рәсімі онлайн түрде өтті. "Жас Ұлан", "Жас Қыран" мүшелеріне салтанатты түрде галстук пен төсбелгісі тағылды Тәуелсіз еліміздің шежіресімен таныстыру, оқушының бойына ұлттық рухты, патриоттық сезімді ұялату, туып өскен жерін, елін, Отанын перзенттік сезіммен шексіз сүйе білуге бағдар беру мақсатында мектептің сынып жетекшілері 1-4 сынып«Тәуелсіздіктің шежіресі» атты тәрбие сағаттарын ,5-11 сынып оқушыларына «Тәуелсіздік таңы мәңгілік» атты тарихи тәрбие сабақтарын өткізді. Мақсаты еліміздің Тәуелсіздігі үшін күрескен, бойында ұлттың рухы, Отанға, еліне деген патриоттық сезімі қалыптасқан жастардың өмірін болашақ ұрпаққа үлгі ету, тарихымызды таныту болды.
Дене тәрбиесі, салауатты өмір салты бағыты
Мақсаты: Салауатты өмір салтының, денешынықтыру мен спорттың, өз денсаулығына жауапкершілікпен қарау құндылығын қалыптастыру.
Мектебімізде қараша айының 15-29 аралығында дене тәрбиесі, салауатты өмір салты айлығының жоспары құрылып, жоспарға сай жұмыстар жүргізілді. 15- қараша күні «Біз –зиянды заттарға қарсымыз!» 1-5 сыныптар арасында "Есірткісіз және ЖҚТБ-сыз әлем" 6"А"сынып жетекшісі Шуйиншибаева Ж.Қ., "Біз- зиянды заттарға қарсымын" 4"В" сынып жетекші Алдажарова А.И., 8"Ә"сынып жетекшісі Әлханова М.У «Есірткісіз және ЖҚТБ –сыз әлем» атты тақырыптарда тәрбие сағаттарын өтті."Біз -темекі шегуге қарсымыз" атты тақырыпта оқушылар шығармашылығымен сурет көрмесі стенд тақтасына ілінді. Жетекшісі Гумаров М. К.
«Біз темекі шегуге қарсымыз» тақырыбында өткен іс-шаралар
Мақсаты: Cалауатты өмір салтының, дене шынықтыру мен спорттың, өз денсаулығына жауапкершілікпен қарау құндылығын қалыптастыру.
Мектебімізде, қараша айының үшінші аптасында жоспарға сай «Біз темекі шегуге қарсымыз» тақырыбында іс-шаралар өтті. Өткізілген іс-шарада балаларға адам ағзасының құрылымының ерекшеліктері (адам немен дем алады, «Өкпе», «Жүрек» дегеніміз не, адам қандай ауамен демалуы керек екендігі) туралы ақпараттар берілді. Осы шара аясында 1-5 сыныптар арасында «Біз –зиянды заттарға қарсымыз» атты тақырыпта тәрбие сағаттары өтілді.сонымен қатар «Біз темекі шегуге қарсымыз» тақырыбында көркем еңбек пән мұғалімдері 5-7 сынып оқушыларымен бірлесе отырып, сурет көрмесін ұйымдастырды. Шараны қорытындылай келе, 8-11 сыныптар «Салауатты өмір салтын қолдаймыз!» -деген желеумен спорттық жарыстар ұйымдастырды.
Отбасы тәрбиесі бағыты
Ата –аналар комитетімен бірлесіп атқарылған жұмыстар туралы ақпарат
«Ұл тәрбиелей отырып, жер иесін тәрбиелейміз, қыз тәрбиелей отырып, ұлтты тәрбиелейміз». Отбасындағы тәрбие әрбір мүшенің өзін — өзін сақтау, ұрпақты жалғастыру, өзін — өзі сыйлау қажеттігінен туындайды. Отбасында адамның жеке басының қасиеті қалыптасады. Баланы дұрыс тәрбиелеу отбасында, алдымен, жанұя жағдайы, онда қалыптасқан оң моральдық — психологиялық ахуал, татулық пен өзара түсіністік, сүйіспеншілік пен сыйластық, ауызбіршілік, отбасы мүшелерінің бір — біріне деген құрмет сезімдері, яғни, отбасындағы кіршіксіз таза, мөлдір көңіл — күйі тікелей ықпал етеді. Олай болса, отбасы мектеп пен бірге тәрбиелік ортаның тұтастай негізгі ықпал ету факторларын жасайды. Сондықтанда педагогикалық әрекетте мектептің жалпы міндеттерінің көлемінің кеңдігіне қарамастан ата – аналармен жұмыстың маңызы ерекше. Осыған орай қыркүйек айында мектепте жоспарға сай ата-аналар комитетімен бірігіп, жалпы ата-аналар жиналысы өткізілді.
1-4 сыныптар аралығында «Толағай» отбасылық ойындар ұйымдастырылды. Әр сыныптан бір ата-анадан қатыстырылды.
Ата – аналарға арналған мектеп: «Ата – аналардың балалармен қарым – қатынасы және оның баланың моральдық қасиетінің дамуына әсері», «Баланың қиын жағдайға тап болуы» тақырыбында мектеп психологі Б.Н.Әбибулла ата – аналар жиналысын ұйымдастырып, белсенді пікір алмасу, тренинг өткізді. Ата – аналармен қызықты ойындар ұймдастырылды.
«Менің болашақ мамандығым», «Ата – анамның мамандығы» атты 9-11 сыныптар арсында сынып жетекшілер тәрбие сағаттарын өткізді. «Мамандығым – мақтанышым »атты кездесу кеші өтті. Оқушыларға кәсіптік бағдар беру, оларды кәсіптер әлемімен таныстыру, алған блімдерін өмірде қолдана алуға үйрету жұмысына маңызды рөл атқарады. Мектеп оқушыларына мамандық таңдауда көмек көрсетуге бағытталған жұмыс жоспарына сәйкес іс-шаралар жыл бойы жүйелі өткізілді. Тәрбие сағаттарында "Барлық мамандықтар маңызды", " Мен болашақта кім боламын?", "21 ғасыр мамандықтары" тақырыптарда 5-8 сынып жетекшілері балаларға іскерлік ойындар, бейнероликтер, викториналар арқылы кәсіптерімен таныстырды. Бастауыш сынып мұғалімдері оқушыларға мамандық таңдаудың ерте пропедевтикасын жүргізуе бағытталған іскерлік ойындар, тұрмыстық ойындар, сюжеттік –рольдік мамандық туралы қойылымдар көрсетіліп, өткізді. Еңбек сабақтарында оқушыларды қолөнер, ұлттық өнерді дәріптеу, жеке кәсіпкерлікке тәрбиелеуде. Жұмыс нәтижесі бойынша көрме ұйымдастырып, өздерінің қолдан жасаған жұмыстарымен таныстырады.Сонымен қатар білім алушылар танымдық және кәсіби қызығушылықтарына сәйкес қоғамдық пайдалы қызметке тартылады: жобалау-зерттеу қызметіне конкурстарға, көрмелерге, фестивальдарға)қатысуы қамтамасыз етіледі.Кәсіби бағдар беру-жас ұрпақты өзіне ұнаған тиісті мамандықты саналы таңдап алуға дайындауға бағытталған іс-әрекет екендігін ескере отырып, жаңа мамандықтар тізбесімен таныстырды.
Сәуір айының 17- күні мектебімізге «Қазақ ұлттық аграрлық зерттеу университеті», «Бизнес және құқық»жоғары мектебінің мамандары біздің 11 «А», 11 «Ә»,11 «Б»сынып оқушыларына өздерінің білім беру бағдарламасын ұсынып , кездесу ұйымдастырды. Бейінді пәндерді атап өтті. География-математика пәндерінен шекті балы 65, Д.ж тарихы –құқық негіздері 75 бал мен ЖОО-орынына қабылданады. Төмендегі мамандықтар бойынша білім алуына болатындығын атап өтті.Экономика,менеджмент,мемлекеттік және жергілікті басқару,маркетинг,агротуризм,қаржы,есеп және аудит,бағалау,құқықтану.
Жаратылыстану ғалымдары,математика және статистика: Биотехнология, биоинженерия, биоинформатика, экология.
Инженерлік, өңдеу және құрылыс салалары: Электротехникалық инжиниринг, жнергетикалық жүйе инжинирингі, жылу энергетикасы, автоматтандыру және басқару,технологиялық машиналар және жабдықтар, машина жасау,көлікті техника және технологиялар, азық –түлік өнімдерінің технологиясы, тағам қауіпсіздігі.
Сонымен қатар бұл оқу орынында Әскери кафедра бар екендігі айтылды. Лейтенант 2 жыл, сержант -1 жыл оқиды. Мекен жайы Алматы қаласы, Абай даңғылы 8.
Зияткерлік тәрбие, ақпараттық- мәдениет тәрбие бағыты
Зияткерлік тәрбие, ақпараттық мәдениет тәрбиесі әрбір тұлғаның зияткерлік мүмкіндігін,көшбасшылық қасиеттерін және дарындылығын, сондай-ақ ақпараттық мәдениетін дамытуды қамтамасыз ететін уәждемелік кеңестік қалыптастыру мақсатында қыркүйек айының 13 – нен бастап қазан айының 13 – не дейін «Зияткерлік тәрбие, ақпараттық мәдениет» айлығы өтті.Оқушылардың өзін –өзі тану қабілетін зерттеу жұмыстарын психологтар үнемі жүргізіп отырады. 1 -11 сыныптар арасында «Интернет кеңістігінде өзін – өзі ұстау мәдениеті» атты тәрбие сағаттары өтті. 9-11 сынып оқушылары «Мен таңдаған мамандық» тақырыбында эссе байқауы, «Салауатты өмір салтының еріктілері» 1-4-сыныптар арасында суреттер салу конкурсы өтіп, инстаграмм желісіне жария етілді. «Кітап –жан азығы» челленджі өтіп, кім қандай тақырыпта кітап оқығаны туралы 5-7-сыныптарда пікірлесу сағаты, минуттық ролик түсірілді. Нәтижесінде оқушылар қазіргі заман талабындағы кәсіби мамандықтар туралы білімдерін кеңейтті. Сонымен қатар жас ерекшеліктеріне сәйкес зияткерлік, мәдени-көпшілік және спорттық іс-шаралар жүйесі болды. Балалардың сыныптан тыс жұмысқа қатысуын ынталандыру жүйесі бар. Сыныптан тыс іс-шараларды ұйымдастыру және өткізу мұғалімнің көмегімен жүзеге асырылады және оқушы тұлғасын дамытуға бағытталған.
Көпмәдениетті және көркем-эстетикалық тәрбие бағыты «Оқуға құштар мектеп » жобасын басшылыққа ала отырып, «Тіл мерейі – ел мерейі» атты кітап көрмесі ұйымдастырылды.
Мақсаты: Оқушылардың әдеби кітапқа құштарлығын арттыру, маңыздылығын түсіндіру, кітапханаға оқырмандар тарту,оқырмандардың сөздік қорын,ой өрісін дамыту,рухани тәлім тәрбиеге баулу,көркем әдебиет оқуға тәрбиелеу.
Бүгінгі кітап көрмесі бәрімізді білімді өнерлі болуға тәрбиелеп,талай ғажап істердің қүпиясын ашуға көмектесетін ақылдың кені –кітапқа арналады.
Ахмет Байтұрсыновтың 150 жылдығына орай «Ұлттың ұлы ұстазы»; «Ұстазым – мақтанышым»; Мухтар Әуезовтың 125 жылдығы; Әзілхан Нұршайақовтың 100 жылдығына «Ерлік пен махаббат жыршысы» атты кітап көрмелдері өткізілді.
Кәмелетке толмағандар арасындағы құқық бұзушылықтың алдын алу мақсатында сенім жәшігі орнатылғаны жайлы және сенім телефоны туралы
Мектепте арнайы «Сенім жәшігі» мектеп ғимаратының 1 қабатында орнатылған. Аптасына бір рет комиссия мүшелері түскен хаттарды ашып, хаттамасын толтырып отырады. Сенім жәшігін қою мақсаты: оқушылардан түскен ой-пікірлерді анықтау, барлық кемшіліктерді түзеуге жұмыс жүргізу. Түскен ой-пікірлерді талқылау және оны ары қарай жоспарлы түрде жұмыстар жүргізу. Сенім жәшігіне арнайы комиссия мүшелері құрылды. Жәшікті үнемі комиссия мүшелерінің қатысуымен ашылады. Білім алушылар мен қызметкерлердің құқықтарын қорғау, қылмыстық пен құқық бұзушылықтың және сыбайлас жемқорлық пен зорлық- зомбылық фактілерімен күресу және болдырмау мақсатында жоспар құрылды.Жоспарға сай жұмыстар жүргізіледі.Білім алушының құқын қорғау, зорлық –зомбылық, қорқытып ақша талап ету және өзге де фактілерді анықтау мақсатында мектеп психологы сауалнама алды.
Құқықбұзушылықтың алдын алу мақсатында мектеп инспекторымен өткізілген жиналыс
Мектебімізде, 20 қазанда мектеп инспекторы Амантаева А.М. 5-11 сынып оқушыларымен кездесу өткізді. Оқушылардың құқықтық білімдері және заң алдындағы жауапкершіліктерін арттыру мақсатында, жасөспірімдерді қылмыстық әрекететтерден бойларын аулақ ұстауға шақырды. Қылмыстық жауапкершіліктің түрлерімен таныстырды. Жиналыс барысында қылмыстың алдын алу, баланың бұзықтық жолға түспеуі, ата-ананың, мектеп пен мектеп инспекторларының бірлескен іс-қимылына байланысты екендігі туралы айтылып өтті. Сондай-ақ нашақорлық, темекіге, ішімдікке үйірлік бұзықтық жолға түсіп зорлық-зомбылық жасауға мүмкіндік туғызады, еңбек етуге, қоғамға, денсаулыққа, ұрпаққа, отбасына зиянын тигізеді. Кездесу барысында инспектор оқушыларға қандай да бір құқық бұзушылық оқиғасының куәсі болса немесе басына қауіп -қатер , ақша бопсалау, әлімжеттік, қарақшылық әрекеттері туындаса тікелей хабарласуға болатындығын айтып , иесінің аты-жөні құпия сақталатынын хабардар етті. Кездесу барысында мектеп инспекторы Амантаева А.М. Қазақстанда заң бойынша кәмелетке толмаған жасөспірімдерге түнгі сағат 21.00-ден кейін компьютерлік клубтарда отыруға және түнгі 22.00-ден кейін көшеде ата-анасының немесе заңды өкілінің еруінсіз жүруге тыйым салынғанын айтып, жалпы түсінік беріп өтті. Жиналыста оқушылар көкейінде жүрген сауалдарды қоюға мүмкіндік алды. Оқушылар құқық бұзышылық, соның ішінде бұзақылық , ақша бопсалау , күш көрсету фактілері мектепте болмағандығын баяндады.
-Көшеде түнгі беймезгіл уақытта қалмауға тырысу, көшеде танымайтын адамдармен әңгімелеспеу адамдар жоқ орындарға және т.б. жерлерге бармау. Қауіп-қатер азайту, балаларды зейінділікке, сақтыққа, қауіпті жағдайлардың алдын алуға үйрету керек.
- Егер үйде жалғыз болғанда, бөтен адамдарды үйге кіргізбеу керек;
- Бөтен біреудің машинасына отырмау, қыдырып жүргенде бөтен адамдардан тәтті, сыйлықтар алмау керек.
-Көшеде кешкі 22:00 ден бастап ата –ананың рұқсатынсыз жүрмеу қажет.
Мектепте қандай жағдай орын алса да бірінші сынып жетекшіге айту.
Балалар арасындағы жарақаттанудың алдын –алу жайлы ақпарат
Жарақаттарды болдырмау қазіргі заманғы қоғамның маңызды міндеттерінің бірі болып табылады. Дене тəрбиесі кезінде жарақаттану, аурулар мен жазатайым оқиғалардың алдын-алу бойынша жұмыс мұғалімдердің ең маңызды міндеттерінің бірі болып табылады. Сонымен қатар ұйымдық, əдістемелік, санитарлық-гигиеналық сипаттағы бұзушылықтардың көпшілігі оқушыларды жарақатқа жəне денсаулықтың нашарлығына əкеледі. Дене шынықтыру жəне спорт кезінде дене жарақаттарын, аурулар мен жазатайым оқиғалардың алдын-алу бойынша жұмыс мұғалімдердің, жаттықтырушылардың, нұсқаушылардың, медицина қызметкерлерінің жəне оқу орындарында маңызды міндеттерінің бірі болып табылады. Дегенмен, бұл əрдайым емес жəне бұл жұмысты үнемі жəне дəйекті жүргізе бермейді. Ұйымдастырушылық, əдістемелік, санитарлық-гигиеналық сипаттағы бұзушылықтардың көптеген оқиғалары оқушылардың жарақаттануына алып келеді. Оқушыларға спорттық құрал-жабдықтар, физикалық көмек, сақтандыру жəне өзін-өзі сақтандыру бойынша қауіпсіз жұмыс істеу маңызды. Көмек зерттелетін жаттығудың бір бөлігін немесе барлығын дұрыс жəне сəтті аяқтау үшін мұғалімнің немесе оқушының физикалық күш-жігерінде жатыр. Физикалық көмектің негізгі түрлері мыналарды қамтиды: сымдармен көмек көрсету; бекітуді қолдау; итермелеуге көмектеседі. 1. Сақтандыру мұғалімнің немесе оқушының жаттығуды сəтсіз орындаған тəжірибеші маманға көмек көрсетуі. Оқушылар өздері жасаған кезде дене шынықтыру сабақтарында физикалық көмек азайтылады немесе тоқтатылады. 2. Өзін-өзі сақтандыру – бұл қауіпті жағдайлардан өз бетімен шығуға тартылған адамдардың, сонымен бірге жаттығуды тоқтату немесе ықтимал жарақаттардың алдын алу үшін оны өзгерту мүмкіндігі. Мысалы, алға қарай құлап кету жағдайында біркелкі емес жолақтарда стенд жасағанда, студент алға қарай алға жылжу керек; құлауды тудыратын раковиналардан секіріп жатқанда, сондай-ақ соқтығысуды орындайды. Дене шынықтыру жұмыскерлерінің ең маңызды функцияларының бірі спорттық жарақаттардың алдын алу болып табылады. Жарақат алу себептері, əдетте, оқу үрдісін жəне бəсекелестік ережелерін бұзу, сондай-ақ санитарлық-гигиеналық сипаттағы бұзушылықтар болып табылады. 5 Қорытынды Қорыта айтқанда, алдымен əрбір студенттің жеке тұлғалық əлеуметтік құзіреттілігін дамыту керек. Дене шынықтыру сабақтары кезінде, əрине, дұрыс ұйымдастырылған, мінезқұлық, қозғалыс дағдылары қалыптасады жəне жетілдіріледі. Бұл қасиеттердің барлығы жарақаттанудың алдын алу үшін қажет. Бұл ретте жаттығуларды ғана емес, сонымен қатар шығармашылық элементтердің салынғаны маңызды.
Мектептегі ұлдар мен қыздар тәрбиесі жайлы ақпарат
Мектебімізде ұлдар мен қыздар тәрбиесі жайлы толығырақ мәлімет беру және алу мақсатында мектеп медбикесі мектепшілік дөңгелек үстел өткізді.
Мақсаты: Ер балалар арасында зиянды әдеттердің алдын алу, спорттық іс-шараларға қатыстыру арқылы салауатты өмір сүру салтын насихаттау, өскелең жас ұрпақтың бойында патриоттық білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру, отбасында да, қоғамдық ортадағы тәрбиеде де ер баланы еңбек етуге, еңбексіз бос отыра алмайтындай сезімге тәрбиелеу болды.
Мақсаты: Сыныптағы әрбір қыз баланы ибалылық сақтауға баулу, құқықтық, адамгершілік, имандылық, эстетикалық тәбие беру. Қыз балалардың мінез-құлқын тәрбиелеу бойынша жұмыс оларды нәзіктікке баулу, отбасындағы алатын орны, ептілік пен шеберлік қалыптастыру, сондай-ақ қыздардың сұлулық,әсемдік, жақсы қарым-қатынас сияқты ұғымдармен таныстыруға бағытталған. Гигиеналық жағынан қыз балаларға жыныстық жетілу кезеңінде өздерінде болып жатқан физиологиялық және психоэмоционалдық өзгерістерді түсіндіріп, жеткізе білу. Бұл жұмыс қыз балаларға қамқорлық, ниет білдіру, жан жылулығын сезіндіру үшін және қыз баласына тән белгілі бір ұнату сезімін бастан кешіру кезінде түсініспеушілік болса, оған қыздардың мұңайып, өздеріне жамандық жасамауы үшін алдын алуға міндеттейді. Тек қана рухани тұрғыдан емес қыздарымызды таза, әсем, жарасымды киім киіп, өздерін күтуге, шаш өруге, шаштарын соңғы сән үлгісімен өздеріне жарасатындай қиюға кеңес беру, үйрету ескеріледі. Сонымен бірге өз құқықтырын біліп, өздерін қорғауға және мектеп оқушыларының, яғни өз міндеттерін дұрыс орындауға тәрбиелеу. Оқып-үйрену процесінің ерекшелігін және күрделілігін ескере отырып, қыз балалар тәрбиесінің табысты болуына төмендегідей қолайлы жағдайларды жасау ескерілмек:
Мектептегі жаймашуақ орта;
Мұғалімдер, сынып жетекшілері тарапынан тәрбиеленуші қыздарға құрмет пен сенім;
Әрбір оқушы қыз баланың мүддесіне көңіл қою;
Айналадағы адамдардың мүдделерін есепке алып, балалардың өзіндік пікірін айтуға қолдау көрсету;
Мәселелерді шешу барысында тәсілдер табу бойынша жеке мысалдарды өзіндік пікірін айтуға қолдау көрсету. Мектепте қыз балалардың тәрбиесіне, оларда заман талабына сай бойжеткен идеалын қалыптастыруға және мінез-құлық критерийлерін нақты айқындауға ерекше көңіл аудару қажет екендігі айтылды.
«Парасат» дебаттық клубының жұмысы туралы ақпарат
«Парасат» дебаттық клубының алға қойған мақсаты – Оқушылар арасында ақпарат алмасу, жоспарға сай бірлесе кештер өткізу, оқуға деген қызығушылығын арттыру, ой-өрісін жан-жақты кеңейту. Көпшілік алдында сөйлеу мен тілдесу дағдысын және тұлғаның өздігінен білім алу мен шығармашылық қабілетін қалыптастыру.
«Парасат» дебаттық клубының негізгі қағидалары:
еріктілік;
ашықтық;
адамгершілік;
толеранттылық;
адамдардың құқықтары мен бостандықтарының басымдығы;
Мектебімізде «Парасат» дебаттық клубы құрылды. Құрамында 10 оқушы, жетекшісі Досымханова М.С. дебаттық клубтың жұмысын ұйымдастырып, іс-шараларды жүргізіп отырады. «Парасат» дебаттық клубының жұмысын ұйымдастыру барысында мектепішілік бұйрық шығарылды. «Парасат» дебаттық клубының жұмыс жоспары жасалып , бекітілді. Жоспарға сай жұмыстар атқарылды.
Рухани адамгершілік білім беру айлығы
Рухани адамгершілік білім беру айлығының жоспары құрылып ,
жұмыстар атқарылды.
10.01.2022ж. 9 сынып жетекшілері «Баланың тәртіпсіз болуы кімге байланысты? Балаға ма?Ата-анасына ма?» тақырыбында пікірталас жасады.
18.01.2022ж. 5-11 сыныптар «Иманды ұл, инабатты қыз елдің көркі» тақырыбында тәрбие сағаттары болды.
1-4 сыныптар «Адамгершілік – асыл қасиет» тақырыбында тәрбие сағаттары болды.
27.01. -04.02.2022ж. Ы. Алтынсарин «Әр нәрсенің сыртына қызықпа, асылы ішінде» тақырыбында отбасымен бірге кітап оқу жұмысы жүргізілді
Мектеп кітапханашысы Қадыр Мырза Әли «Адамның шашқаны емес – тергені, Алғаны емес – бергені қалады» тақырыбында кітап көрмесін ұйымдастырды
Атқарылған жұмыстар мектептің инстаграмм парақшасында жарияланды.
2 «А»сынып жетекшісі Дүйсенова С.Ж. «Досы көпті, жау алмайды»сынып сағаты өткізілді.Оқушылар достық туралы білім деңгейін кеңейтіп, нағыз досты тани білуге үйрену.Адам бойындағы адамгершілік қасиеттерді сақтай білуді, досты қадірлеуді үйренді.
1 «В»сынып жетекшісі Елубаева К.А. «Қарттарым – асыл қазынам!»тақырыбында сынып сағатын өткізді.
«Жасөспірім» жедел-профилактикалық іс-шара туралы
«Жасөспірім» жедел-профилактикалық іс-шара жоспары құрылып, жоспарға сай жұмыстар атқарылды
Мақсаты: Кәмелетке толмағандар арасындағы құқық бұзушылықтардың алдын алу мен балалардың қадағалаусыз және панасыз қалуының алдын алу
15.03.2021ж 5-11 Сынып жетекшілер «Заң білімі – заман талабы»тақырыбында тәрбие сағаты өткізілді.
16.03.2021ж1-4 Сынып жетекшілер «Құқық әлемінде» тәрбие сағаты
17.03.2021ж «Жасөспірімдер арасында қылмыстың алдын алу»тақырыбында ДТІЖО және мектеп инспекторымен онлайн кездесу өтті.
18.03.2021ж Мектеп психологы «Мен және менің құқығым» тақырыбында бейнеролик көрсетті.
16.03-19.03.2021ж Дүкен сатушыларымен кәмелетке толмағандарға алкогольді ішімдіктерді және темекi бұйымдарын заңсыз сату, болдырмауы туралы профилактикалық әңгіме жүргізу барысында ДТІЖО және мектеп инспекторы рейд жұмыстарын жүргізді.
18.03.2021ж 1-11 Сынып жетекшілер Қауіпсіздік ережесінің нұсқаулығымен таныстырды.
«Адал ұрпақ» ерікті мектеп клубының жұмысы
Мектебімізде 2022-2023 оқу жылына арналған Сыбайлас жемқорлыққа қарсы мәдениетті қалыптастыру бойынша «Адал ұрпақ» ерікті мектеп клубының жоспары құрылды. Жоспарға сай жұмыстар атқарылды.
9-11 сынып оқушылары «Қоғамдық тәртіп» тақырыбында пікірталас өткізді.
5-8 сынып оқушыларымен «Заңды білу –заман талабы» тақырыбында тәрбие сағаттары өтті.
5-7 сыныптар Балаларға арналған ар-ұят, абырой, жауапкершілік, адалдық, әділеттілік сияқты қасиеттерді насихаттайтын қойылым көрсетті.
7-10 сынып оқушыларымен «Адал және сатылмайтын еңбек бейнесі» тақырыбында тәрбие сағаттары өтті.
Мектеп инспекторы 7-10сынып оқушыларымен Құқық бұзушылықтың алдын алу мақсатында түсіндіру жұмыстарын жүргізді.
Отбасы тәрбиесі айлығы
Мақсаты: Неке және отбасы мүшелерін құрметтеу құндылықтарын тәрбиелеу; отбасы мен достарына деген адалдық; отбасылық дәстүрлер; жәдігерлер мен әдет-ғұрыптарды құрметтеу; ана болудың қасиеттілігі; олардың психологиялық-педагогикалық құзыреттілігі мен балаларды тәрбиелеу жауапкершілігін арттыру.
Мектебімізде 11 мамыр мен 25 мамыр аралығында Отбасы тәрбиесі айлығының жоспары құрылды. Жоспарға сай жұмыстар атқарылды. Отбасы оқыту мен тәрбие жұмысындағы мектептің одақтасы. Бала тәрбиесінің отбасыда, мектепте нәтижелі болуы осындай ынтымақтастыққа негізделеді.
11.05.2022ж 1-4 сыныптар «Отбасым алтын қазынам» тақырыбында тәрбие сағатын өтті
11.05.2022ж 5-11 сыныптар «Отбасы – бақыт мекені» тақырыбында тәрбие сағатын өтті
12.05.2022ж Ата-аналарға арналған сауалнама «Сіз және балаңыздың мектебі» Мектеп психологы жүргізді
13-14.05.22ж 15 мамыр-Халықаралық Отбасы күніне орай, көркем еңбек пәні мұғалімдері сурет көрмесін ұйымдастырды
16.05.2022ж Ата-анаммен өткізген бір күнім «Әке көрген оқ жонар, шеше көрген тон пішер» тақырыбында бейнеролик
17.05.2022ж 5-11 сыныптар арасында «Жігітке жеті өнер де аз» тақырыбында жігіт сұлтаны байқауы.
Түнгі жаппай тексеріс /рейд/
Талғар ауданы білім бөлімі басшысының хатына сәйкес «Түнгі қаладағы балалар» кешкі рейдтік іс-шарасына сәйкес, мектепішілік бұйрық шығарылды
Түнгі уақытта көшеде, ойын сауық орындарында жүрмеу, балалар қауіпсіздігі, кәмелетке толмағандар арасында құқықбұзушылықтың алдын- алу мақсатында мектеп әкімшілігі түнгі уақытта тексеріске шығуға кесте жасалды
Түнгі уақытта тексеріс сағат 21.00-06.00 -ге дейін жүргізілді.
Түнгі тексеріс жүргізуге: Аудандық полиция басқармасының өкілі – мектеп инспекторы А.А.Манкусова. Математика пәні мұғалімі- Мұхаметкәрім Ахмет және техология пәні мұғалімдері- Мусабалаев Нұрсултан, Гумаров Мереке; Дене шынықтыру пәні мұғалімдері – Тлепберген Айдын, Пердебаев Заманбек, Каримов Қанат,Мусаев Руслан. Сондай-ақ 9 сынып жетекшілері- А.М.Садуова, Н.Г.Ахметсеитова, Ұ.О.Кобанова; 11 сынып жетекшілері- М.Қадырқожақызы, Н.С.Асадуллаева, Б.Дүйсенбай тексеріс кезекшілігіне шықты.
Бұйрықтың орындалу барысын қадағалауды ДТІЖО – А.Б.Рысқұлова және мектеп психологі Б.Әбибуллаға жүктелді.
Жазғы демалыс кезеңінде балалардың сауықтыру демалысын, бос уақытын және жұмыспен қамтылуын қамтамасыз ету жөніндегі жазғы алаң жұмысы туралы
2022-2023 оқу жылындағы жазғы алаң атауы: 1 – 4 сыныптар «Достық» тобы және 5 сыныптар «Күншуақ»тобы жұмыс істейді. Жазғы алаң жұмысы
1 маусым мен 31 тамыз аралығын, 13 аптаны қамтиды, жұмыс кестесі бойынша жауапты дене шынықтыру мұғалімдері мен сынып жетекшілері танысты.
Лагерь мақсаты:
Лагерге келген әрбір оқушыны алдымен жақсылыққа , адамгершілікке, ұйымшылдыққа тәрбиелей отырып, оқушылардың жазғы демалыс уақытын тиімді пайдалана білуге үйрету. Балалардың жаз мезгіліндегі демалысын, сауықтырылуы мен тиімді әрі мағыналы өткізуге жағдайлар жасау, қауіпсіздік ережелерін үйрете отырып салауатты өмір салтын қалыптастыру, рухани және мәдени білімдерін жетілдіру, салт - дәстүрін дамыту. Отансүйгіштік - патриоттық сезімін арттыру.
Міндеттері:
- Лагерьге балалардың уақытымен, толық келулерін қадағалау;
- Әр күнді бағдарлама бойынша ұйымдасқан түрде өткізу;
- Балалардың ойын алаңындағы ертеңгілік дене жаттығуларын, қимыл- қозғалыс ойындарын бақылауға алу;
- Саяхат және жорық кезіндегі қауіпсіздік ережелерінің сақталуын еске алу, бақылау;
- Лагерь жағдайында бірыңғай тәртіпте салтанатты жиындар өткізу;
- Сурет, қолөнер тақырыптарында шығармашылық қабілеттерін
арттыру мақсатында көрме, конкурс ұйымдастыру;
- Ұлттық ойындар, логикалық және спорттық ойын түрлері арқылы
балалардың қызығушылығын арттыру.
Жазғы демалыс лагерінің күн тәртібі
09.00-09.30 «Қайырлы күн,балақай!» (Оқушыларды қарсы алу)
09.30-09.45 «Шынықтырып денені...» (Ертеңгілік жаттығулар)
09.45-10.15 «Білім өмір азығы» (Психологиялық тренинг сағаттары)
10.15-11.30 «Бой жазайық,кел,ойнайық!» (Спорттық ойындар)
11.30-12.00 «Біл! Үйрен! Көрсет!» (Саяхаттар, шығармашылық жұмыстар, танымдық ойындар, шығармашылық мерекелер.)
«Жақсылықпен кездесейік!» (Шығарып салу)
Күтілетін нәтиже:
- Балалардың денсаулығын нығайту және жеке гигиена дағдыларын үйрету.
- Түрлі шараларға қатысу арқылы балалардың табиғи қабілеттерін
ашу, шығармашылығын дамыту.
- Мейірімділікке, өзін-өзі сыйлауға, бір-біріне қолдау көрсетуге,
достық қарым-қатынасты қалыптастыру.
- Табиғат аясында, көлікте, көшеде және қоғамда жүріп-тұру
ережелерін қалыптастыру
«Қазақстан – бақытты балалық мекені!» жазғы демалыс кезінде балалардың сауықтырылу демалысын, бос уақытын тиімді пайдалану мақсатында 01.06 – 31.08.2023 ж аралығында 1-4 сыныптар арасында «Достық» тобы құрылды. Лагерге жауапты мұғалімдер тағайындалып, ДТІЖО А.Б.Рысқұловамен ауданнан жіберілген концепция негізінде атқарылатын жұмыс жоспары құрылды.
Лагердің ашылу салтанаты 1-маусым балаларды қорғау күніне орай «Қазақстан – бақытты балалық мекені!» атты мерекелік концертпен басталды. Мерекелік салтанатты 300-ден аса мектеп оқушылар және ата-аналары тамашалады. Мерекенің ашылу салтанатында мектеп директоры Махметова Айгуль Аблановна сөз сөйлеп, балаларды келіп жеткен мерекемен құттықтады. Сонымен қатар қамқоршылық кеңестің мүшесі Базарбаева Л.С. мен ата-аналар комитеті А.А.Көмекбай, ауыл белсендісі Айдар Ниязалиев балаларға тегін тәттілер, балмұздақтар таратты. Мектебіміздің әкімшілік мүшелері үйден оқытылатын төрт оқушыға арнайы сыйлықтар жасап мектеп директорымен үйлеріне барып құттықтап шықты. Өткізілген іс-шаралар мектебіміздің әлеуметтік желісінде жарияланып отырды.
05.06. – 09.06.2023ж маусым аралығында «Қауіпсіз жаз», «Безопасное лето» апталық тақырыбы бойынша Бидайбекова Д,Әлханова М, Мамырбекова А, Қоңыратбай А белгіленген тақырыптар бойынша жұмыстар жүргізді.
05.06.2023ж күні Бидайбекова Д балалармен танысу мақсатында «Алақан» тренингі өткізілді. Сол арқылы балалар өздерін таныстырып өтті. «Қауіпсіз жаз» апталықтың тақырыбын ашу мақсатында балаларды қауіпсіздік ережелерімен таныстырып, балалар қауіпсіздікпен таныстық деп қол қойды. Балалармен «Көңілді шар», «Кім тапқыр?», «Мені тыңда», «Орындық» ойындары ойнатылды. Балаларға тәттілер үлестірілді.
06.06.2023ж күні Әлханова М «Do you speak English?» тақырыбында ағылшын ойын сабағын өтті. Балалар көңілді ойындар ойнай отырып, ағылшын тіліндегі сөздермен танысып, қайталады.
07.06 күні жоспар бойынша балалар «Жаз қызықтары» тақырыбында Мамырбекова А. асфальтта сурет салдырды.
Эстафеталық ойындармен бой жазып қайтты.
08.06 күні Қоңыратбай А «Жұлдыз бала» атты шығармашылық шеру өткізді. Балалар өздерінің өнерлерін көрсетті. Би билеп, көркем сөз оқып, домбырада күй шертіп, көңілді әндер де шырқалды. Қыздар мен ұлдар болып бір-бірімен спорттық жарыста көңіл көтерді.
09.06 күні «Sport/ekb» туристік слеті тақырыбында балалармен табиғатқа саяхат жоспарланған болатын ауа райының қолайсыздығына байланысты (қатты жел) меткеп ауласында балалармен ойындар ойналып, балалар үйден әкелген тағамдарымен сыныпта көңілді отырыс өткізілді.
«Қауіпсіз жаз» тақырыбындағы апталық жазғы алаңда 1,2,4,5- сынып оқушылары қатысты.
Жүргізілген жұмыстардың фото,видео есептері мектептің инстаграм парақшасында жарияланып отырды.
Мектепішілік 2021-2022 оқу жылына арналған мектептің ұйымдастыру жоспарына сәйкес жылдық іс-шаралар өз деңгейінде өткізілді.
2022-2023 оқу жылына арналған тәрбие жұмысының жылдық қорытындысы
Тәрбиенің мақсаты:
Мектебінде 638 бала тәрбиеленіп, білім алып шықты. Мектеп 2 ауысымда жұмыс істейді. Мектептің тәрбие жұмысының негізі 8 бағытты бойынша жылдық тәрбие жоспары жасалып, бекітілді. Мектепте 39 класс комплектісі бар, онда 39 сынып жетекшісі тағайындалып, жұмыс жасалынды. Оқу жылының басында барлық сыныптарда ата - аналар жиналысы ұйымдастырылып, әр сыныптың ата-аналар комитеті сайланды. Жалпы мектеп бойынша оқушыларға жиналыстар өткізіліп, мектеп ережесі, қауіпсіздік дәптерлері басталып, оқушыларға қауіпсіздік ережелері таныстырылды. Қайрат станциясынан қатынайтын оқушыларға тасымал ұйымдастырылып, кестесі бекітілді. 42 бала тасымалмен қамтамасыз етіліп отыр.
Тәрбие үдерісі - бұл тұлғаның тәрбиелік деңгейі, ол оқушының қоршаған әлеуметтік ортамен және жалпы қоғаммен әрекеттестікке дайындығымен сипатталады Білім алушыларды парасатты да білікті, мәдениетті де білімді етіп тәрбиелеу мақсатында сынып жетекшілер оқушының тәрбиелік деңгейін бақылайды. Тәрбие жұмысын тиімділікпен ұйымдастыру мақсатында мектепте сынып жетекшілерінің әдістемелік бірлестігі жұмыс істейді.
Қазақстандық патриотизм және азаматтық, құқықтық тәрбие бағыты
Мектебімізде, 1 қыркүйек –Білім күніне арналған салтанатты жиын мен тәрбие сағаттары өтті.
Тақырыбы: «Білімге ұмтылу, еңбексүйгіштік пен отаншылдық!»
Мақсаты: 1қыркүйек -Білім күні, үлкен мереке екенін балаларға жеткізе білу, білімге деген құштарлығын арттыру, мектептің білімді оқушыларын елжандылыққа тәрбиелеу.
1қыркүйек -Білім күніне арналған «Білімге ұмтылу, еңбексүйгіштік пен отаншылдық!» атты іс шара 2 кезең бойынша өтті.
I кезең
1.Қатысушылардың алдын –ала белгіленген орындарға тұруы
2.Аудан әкімінің құттықтау сөзі
3.Әліппе тапсыру
4. Ата-аналардың құттықтауы
II кезең: 1сынып оқушылары мектепке, өз сыныптарына кіруі
Бұл мереке мектеп табалдырығын алғаш рет аттағалы отырған 1-сынып бүлдіршіндеріне арналады.
1-сыныпқа қадам басқан бүлдіршіндерді, ұстаздарымен таныстыру.
1 «А»сынып жетекшісі Жұмақанова А.Д.
1 «Ә»сынып жетекшісі Есжанова Г.Б. 1«В»сынып жетекшісі Елубаева К.А.
1 «Б» сынып жетекшісі Зайцева О.С.
1 «Г» сынып жетекшісі Бидайбекова Д.А.
ҚР мемлекеттік рәміздерінің орналасу тәртібі туралы
Мектептің кіре беріс фойесінде Мемлекеттік Рәміздер тақтасы жасалған. Білім алушыларды Рәміздерді қастерлеп, құрметтеуге тәрбиелеу.
Оқушылар Мемлекеттік Рәміздердің авторларын жаттап, Мемлекеттік Гимнді салтанатты жиындарда орындайды. Мемлекеттік рәміздерді құрметтеу туралы сынып жетекшілер оқушыларға сынып сағаттарын өткізіп, әрдайым айтып отырады. Алдағы уақыттарда мектебімізде мемлекетіміздің рәміздерін насихаттау барысында жоспар жасалып, іс шаралар өткізіледі .Мемлекеттік рәміздерді құрметтеу – елді, халықты, тарихты, әдет- ғұрыпты, салт- дәстүрді қастерлеу болып табылады.
Тәуелсіздіктің 31 жылдығына орай ұйымдастырылған «Мемлекеттік рәміздер –тәуелсіздік символы» тақырыбында өткізілген іс-шаралар
Мақсаты: Оқушылардың мемлекеттік рәміздер жөніндегі білімдерін кеңейту, оларды отаншылдыққа, ұлтжандылыққа, өз елінің тарихын білуге тәрбиелеу және оны құрметпен мақтан тұту керектігін ұғындыру, ой – өрісін кеңейту.
ҚР - сы Тәуелсіздігіне байланысты іс-шара жоспары жасалып, сол жоспар бойынша жұмыс жүргізілді. 5-10 сыныптар арасында «Тәуелсіз менің өз елім» тақырыбында эссе жаздырылып, 10а - 9а сынып оқушылары шағын сыйлықтармен марапатталды.
«Мен Тәуелсіз мемлекет азаматымын» тақырыбында жоғарғы сыныптарда дөңгелек үстел өткізілді. Әр сыныптарда Тәуелсіздігімізді насихаттайтын тәрбие сабақтары өткізілді. «Менің Отаным» 5а сыныбында, «Тәуелсіздік толғауы» 8а сыныбында, «Мақтанышым рәміздер» 6а сыныбында, «Қазақ елінің қаһармандық тарихы» 8-9 сыныптарда, «Отаным кең байтақ» 7а сыныптарында тәрбие сабақтары өткізіліп, сынып жетекшілер қазақ елінің тәуелсіздік алмастан бұрынғы тарихын түсіндіре келіп, Тәуелсіздікке қалай қол жеткізгендігімізді, оны қалай мақтан тұтатынымызды айтып түсіндірді.
Мектебіміздің кітапханасы да белсенділікпен өз жұмысын атқара білді. Оқушыларға арналған «Тәуелсіздік тағдыры ынтымақ пен бірлікте» атты қабырға бұрышын шығарып, оқушыларға қызықты да мәнді кітап көрмесін ұйымдастырды.
Тәуелсіз ел аталып, төбемізге ту тігіп, тіліміздің мәртебесі артып, әлемге атымызды танытып жатқан кезеңде ұлттың, елдің болашағы – жас ұрпақ тәрбиесіне мемлекеттік рәміздерді таныту мақсатында мықты көңіл бөлінуі қажет. Ту, Елтаңба, Әнұран – біздің елдік белгіміз, елдің құтты қасиеті. Қазақстан – Туымен тұғырлы, Елтаңбасымен еңселі, Әнұранымен айбатты.
Әр сабақта оқушылардың шығармашылығын, логикалық ойлау қабілетін, талғампыздығын білім, білік дағдыларын, Отанға, мемлекеттік рәміздерге, елге деген сүйіспеншілігін арттырып, оқушыларды топшылдыққа, мейрімділікке, адамгершілікке, Отан сүйгіштікке, батылдыққа, ел рәміздерін қастерлуеге тәрбиелеу мақсаты тұрады. Мектебімізде Елбасының «Болашаққа бағдар: рухани жаңғыру» бағдарламалық мақаласын іске асыру мақсатында Қазақстан Республикасының Рәміздерін насихаттау бойынша тәуелсіздігіміздің 31 жылдығына орай ұйымдастырылған «Мемлекеттік рәміздер –тәуелсіздік символы» тақырыбында апталық өтті. Мереке күндері Қазақстан Республикасының Гимні орындалады. Мектеп оқушыларына ҚР-ның рәміздерінің тарихымен, авторларымен, құрылу кезеңдерімен таныстырылып өтілді. Біздер тәуелсіз қазақ елінің жасұландарымыз. Мектеп кітапханашылары мен тарих пәнінің бірлестігі «Қазақстан Республикасының - Рәміздері» тақырыбында стенд көркемдеді. Сонымен қатар сынып жетекшілер «Қазақстанның Мемлекеттік - Рәміздері» тақырыбында Дөңгелек үстел, интеллектуалды ойындар, сынып сағаттарын өткізді. Қазақ тілі мен әдебиеті пән мұғалімдері 5 сынып оқушыларымен «Рәміздерім - мақтанышым» тақырыбында мәнерлеп оқу өткізді.
4 маусым Мемлекеттік рәміздер күні. Қалыптасқан дәстүр бойынша, бұл күні ұлттың ұйытқысы мен бірлігінің ерекше атрибуттары болып саналатын мемлекеттік рәміздердің жоғары маңыздылығын айқындайтын бірқатар шаралар өткізілді. Атап айтсақ, «Менің туым – менің мақтанышым!» жалпыұлттық челленжге мектеп оқушылары мен мұғалімдер қатысты. Бейнеролик мектептің әлеуметтік парақшаларына орналастырылды.
«Қазақстан халқы тілдері күні» қарсаңында тілдердің айлығы аясында өткізілген шаралар
Мектебімізде 5 қыркүйектен бастап «Өзге тілдің бәрін біл, Өз тіліңді құрметте» тақырыбы аясында іс-шара өткізілді.
Қазақстан Республикасының «Тіл туралы» Заңы тілдердің қолданылуының құқықтық негіздерін, мемлекеттің оларды оқып-үйрену мен дамыту үшін жағдай жасау жөніндегі міндеттерін белгілейді. Қазақстан Республикасы орта, арнаулы орта және жоғары білімді мемлекеттік тілде, орыс тілінде, ал қажетіне қарай және мүмкіндігі болған жағдайда басқа да тілдерде алуды қамтамасыз етеді. Мектебімізде тілге байланысты өткізілетін іс-шараларға қазақ тілі мен әдебиеті ұстаздар қауымы да белсене ат салысады. Әрбір өткізілген жұмысқа есеп беріліп, өткізілген іс-шара жұмысының фотосуреттері жинақталып, альбомдар мен жинақ папкалары жасалынған.
5-10 қыркүйек күндері 6 «А», 8 «Ә» сыныптар аралығында Қазақстан Республикасы халқының Тілдері күні мерекесіне арналып «Мемлекеттік тіл-менің тілім», «Ана тілім-ардағым» атты тақырыптарда сынып сағаттары өткізілді. Сынып сағаттарының алға қойған мақсаты: оқушылардың азаматтық, адамгершілік, ізгілік қасиеттерін, ұлттық рухани санасын, эстетикалық биік талғамын, өмірлік тәжірибесін байытып, тілімізді құрметтеп, аялай білуге тәрбиелеу болмақ.
Қазақ тілі мен орыс тілі пәнінің мұғалімдерінің ұйымдастыруларымен, 9-11 сыныптар аралығында «Тіл тұтастығы-ел тұтастығы» атты тақырыбында шығармалар байқауы ұйымдастырылды. Шығарманы жақсы жазған оқушылар мақтау қағазымен марапатталды Атап айтсақ, Билял Ақерке 9 «А» сынып оқушысы-1орын, Орынхан Айдана 9«А» сынып оқушысы-І орын, Найманғали Дидарлым 9 «Ә» сынып оқушысы-ІІІ орынға ие болды.
Орыс тілі пән мұғалімдері Шаяхметова А.С, Нургалиева А.С.«Өзге тілдің бәрін біл, өз тіліңді құрметте» тақырыбында интеллектуалды ойын ұйымдастырды. Ойын барысында оқушыларымыз үш тілді қалай меңгергендіктерін байқатты. « Язык-важнейшее средство общения» тақырыпта мектепішілік кеш өткізілді. Мақсаты: оқушылардың тіл туралы білімдерін жетілдіру, өз тіліне, туған жеріне құрмет көрсетуге баулу. Жиында Қазақстан Республикасының әнұраны орындалып, оқушылар тілге байланысты әдеби-монтаж қойды. Бірнеше тілге байланысты тақпақтар айтылды,орыс тілі пәнінің мұғалімі Шаяхметова А.С« Язык-важнейшее средство общения» яғни«Тіл-қарым қатынас қуралы» атты тақырыпта баяндама оқыды Сондай-ақ, оқушылардың тіл туралы білімдерін жетілдіру,өзге тілдерге,туған жеріне құрмет көрсетуге баулу мақсатында 1-11-сынып оқушылары арасында челлендж ұйымдастырылды.
25.11.2022ж. қазақ тілі мен әдебиеті пәнінің мұғалімі Садуова А.М 6-сынып оқушыларымен «Ана тілім ардағым» тақырыбы бойынша ашық сабақ өткізді. Сабақ басында оқушыларға сабақтын мақсаты түсіндіріліп, оқушыларға жақсы көңіл күй сыйлады,топтық, жұптық тапсырмалар орындалды.Сабақ арасында грамматикалық тапсырмаларды да орындап, сергіту сәті де болды. Сабақта оқушылар слайдтарды таныстырып,әр-түрлі әдіс- тәсілдермен жұмыс жасады. Оқушылар арасында кері байланыс жүргізіліп, бағаланып отырды. Өзінің іс-тәжірибесінде күнделікті сабақтарда қолданатын әдістерін айтып өтті. Сабақ соңында кері байланыс жасалып,оқушылар балдық жүйемен бағаланды.
23.11.2022 ж. Қазақ тілі мен әдебиеті пәнінің мұғалімі Қарабаева Г.Қ 4-сынып оқушыларымен «Тіл менің тірегім» тақырыбында ашық сабақ өткізді.Сабақ басында үй тапсырмасын сұрау арқылы топқа бөлді. Тақтада тұрған үй тапсырмасының сұрақтарына жауап бере отырып әріптер арқылы сөз құралып, 2 топқа бөлінді. Мәтінді аудио арқылы тыңдатып, «сұрақтар пирамидасы» әдісі арқылы топтық жұмыс тапсырмаларын орындады. Жұптық жұмыс тапсырмасын«адасқан арал» әдісі арқылы орындатты. Жаңа сабақ бейнеролик арқылы көрсетілді. Заманауи әдіс-тәсілдерді пайдалана отырып сабақтағы мақсатына жетті.
6-11 сынып оқушылары арасында «Имя Маншук всегда в нашем сердце» тақырыптағы бойынша сыныптан тыс әдебиеттік кеш ұйымдастырылып, оқушылар Маншук Маметова туралы өлеңдерін оқып, Халық қаҺарман қызының бейнесін сомдап, сахналық көріністер көрсетті. Барлық сынып оқушылары бұл іс-шараға белсене атсалысты.
Тәуелсіз Қазақстанның басты байлығының бірі- ұлтаралық ауызбірлік. Ата-бабаларымыз ғасырлар бойы бейбіт те, тыныш заманды аңсаған. Сол заман орнаған кең- байтақ елімізде көптеген ұлт өкілдері бір үйдің баласындай тату-тәтті өмір сүріп жатыр. Әрдайым солай болғай! Тіліміздің мәртебесін асқақтатып –әр ұлт өкілінің міндеті. Сондықтан осыған байланысты мектебімізде басқа тілдерге де құрметпен қарап, әрбір ұлттың баға жетпес мұрасы тіл екенін сезіндіру үшін, мектебімізде Тіл заңының орындалуына ерекше көңіл бөлінді.
16 желтоқсан «Тәуелсіздік күні» аясында өткен іс-шаралар
Мектебіміздің 10 «А», «Ә» сынып оқушылары «Желтоқсан құрбандары» атты қабырға газеттерін шығарып, онда қазақ жастары Желтоқсан құрбандары болған Қ.Рұсқұлбеков, Л.Асанова, Е.Сыпатаев, С.Мұхамеджанова сынды қайратты да, жігерлі, намысты ұл – қыздарымыздың соңғы ақттық сөздері жазылған, Тәуелсіздікке жеткен осы жастарымыздың арқасы деп білеміз. Жас маман, қазақ тілі мен әдебиеті пәнінің мұғалімі Н.Жанабаева 5 - 7 сынып аралығында «Менің елім - Қазақстан» тақырыбында оқушыларға эссе жаздырды. Эссе тақырыптары «Менің отаным – Қазақстан», «Туған жер».
«Тәуелсіз ел - Қазақстан» атты суретшілер байқауы да өз деңгейінде өткізілді. Көркем еңбек пәнінің мұғалімдері Гумаров М.К; Мусабалаев Н.Н. оқушылардың потриоттық сезімдерін оята білді, оқушылар туындыларынан қазақ елінің кең байтақ екенін суреттей білді. Өнер сүйетін балалар әлемді ашық түрлі түсті бояулармен көркемдей білді. Жоғарғы сынып оқушылары аралығында дене шынықтыру пәнінің мұғалімі А.Тілепберген; Р.Мусаев «Волейбол», «Баскетболдан» жарыс өткізді. Оқушыларға салауатты өмірді сақтайық тақырыбында кеңес сағаттарын да өткізді. Жарыстың басында оқушылар жаттығуларды жасады. Салауатты өмір салтын сақтау туралы әр түрлі қабырға газеттері ілінді.
Мектепте Тәуелсіздік күні аясында онкүндік жоспары жасалып, шаралар жоспарға сай өтті. "Тәуелсіздік күніне" орай мектеп кітапханашысы Жубаниязова М. 1-11сыныптар арасында «Қазақстан Республикасы Тәуелсіздігінің 31 жылдығы» атты кітап көрмесін ұйымдастырды. Кітап көрмесі еліміздің тәуелсіздік алған сәтінен бастап бүгінге дейінгі жүріп өткен жолы туралы қаламгерлердің жазған еңбектері мен тәуелсіздік жылдарында баспадан шыққан әдебиет туындыларымен қамтыды. Көрмені ұйымдастырудағы мақсат – Ата-бабамыздың тәуелсіздік жолындағы ерлігін үлгі етіп, Тәуелсіздік алғаннан кейінгі Қазақстанның дербес мемлекет ретінде қалыптасу тарихына шолу жасау, осы жолда тұңғыш Президент Н.Ә.Назарбаевтың кемел саясаты мен ерен еңбегін де көпшілік қауымға таныту. 15.12.2022ж. "Тәуелсіздік күні" мерекесі аясында өтетін «Тәуелсіз елдің- Ұланымын!» атты қабылдау рәсімі онлайн түрде өтті. "Жас Ұлан", "Жас Қыран" мүшелеріне салтанатты түрде галстук пен төсбелгісі тағылды Тәуелсіз еліміздің шежіресімен таныстыру, оқушының бойына ұлттық рухты, патриоттық сезімді ұялату, туып өскен жерін, елін, Отанын перзенттік сезіммен шексіз сүйе білуге бағдар беру мақсатында мектептің сынып жетекшілері 1-4 сынып«Тәуелсіздіктің шежіресі» атты тәрбие сағаттарын ,5-11 сынып оқушыларына «Тәуелсіздік таңы мәңгілік» атты тарихи тәрбие сабақтарын өткізді. Мақсаты еліміздің Тәуелсіздігі үшін күрескен, бойында ұлттың рухы, Отанға, еліне деген патриоттық сезімі қалыптасқан жастардың өмірін болашақ ұрпаққа үлгі ету, тарихымызды таныту болды.
Дене тәрбиесі, салауатты өмір салты бағыты
Мақсаты: Салауатты өмір салтының, денешынықтыру мен спорттың, өз денсаулығына жауапкершілікпен қарау құндылығын қалыптастыру.
Мектебімізде қараша айының 15-29 аралығында дене тәрбиесі, салауатты өмір салты айлығының жоспары құрылып, жоспарға сай жұмыстар жүргізілді. 15- қараша күні «Біз –зиянды заттарға қарсымыз!» 1-5 сыныптар арасында "Есірткісіз және ЖҚТБ-сыз әлем" 6"А"сынып жетекшісі Шуйиншибаева Ж.Қ., "Біз- зиянды заттарға қарсымын" 4"В" сынып жетекші Алдажарова А.И., 8"Ә"сынып жетекшісі Әлханова М.У «Есірткісіз және ЖҚТБ –сыз әлем» атты тақырыптарда тәрбие сағаттарын өтті."Біз -темекі шегуге қарсымыз" атты тақырыпта оқушылар шығармашылығымен сурет көрмесі стенд тақтасына ілінді. Жетекшісі Гумаров М. К.
«Біз темекі шегуге қарсымыз» тақырыбында өткен іс-шаралар
Мақсаты: Cалауатты өмір салтының, дене шынықтыру мен спорттың, өз денсаулығына жауапкершілікпен қарау құндылығын қалыптастыру.
Мектебімізде, қараша айының үшінші аптасында жоспарға сай «Біз темекі шегуге қарсымыз» тақырыбында іс-шаралар өтті. Өткізілген іс-шарада балаларға адам ағзасының құрылымының ерекшеліктері (адам немен дем алады, «Өкпе», «Жүрек» дегеніміз не, адам қандай ауамен демалуы керек екендігі) туралы ақпараттар берілді. Осы шара аясында 1-5 сыныптар арасында «Біз –зиянды заттарға қарсымыз» атты тақырыпта тәрбие сағаттары өтілді.сонымен қатар «Біз темекі шегуге қарсымыз» тақырыбында көркем еңбек пән мұғалімдері 5-7 сынып оқушыларымен бірлесе отырып, сурет көрмесін ұйымдастырды. Шараны қорытындылай келе, 8-11 сыныптар «Салауатты өмір салтын қолдаймыз!» -деген желеумен спорттық жарыстар ұйымдастырды.
Отбасы тәрбиесі бағыты
Ата –аналар комитетімен бірлесіп атқарылған жұмыстар туралы ақпарат
«Ұл тәрбиелей отырып, жер иесін тәрбиелейміз, қыз тәрбиелей отырып, ұлтты тәрбиелейміз». Отбасындағы тәрбие әрбір мүшенің өзін — өзін сақтау, ұрпақты жалғастыру, өзін — өзі сыйлау қажеттігінен туындайды. Отбасында адамның жеке басының қасиеті қалыптасады. Баланы дұрыс тәрбиелеу отбасында, алдымен, жанұя жағдайы, онда қалыптасқан оң моральдық — психологиялық ахуал, татулық пен өзара түсіністік, сүйіспеншілік пен сыйластық, ауызбіршілік, отбасы мүшелерінің бір — біріне деген құрмет сезімдері, яғни, отбасындағы кіршіксіз таза, мөлдір көңіл — күйі тікелей ықпал етеді. Олай болса, отбасы мектеп пен бірге тәрбиелік ортаның тұтастай негізгі ықпал ету факторларын жасайды. Сондықтанда педагогикалық әрекетте мектептің жалпы міндеттерінің көлемінің кеңдігіне қарамастан ата – аналармен жұмыстың маңызы ерекше. Осыған орай қыркүйек айында мектепте жоспарға сай ата-аналар комитетімен бірігіп, жалпы ата-аналар жиналысы өткізілді.
1-4 сыныптар аралығында «Толағай» отбасылық ойындар ұйымдастырылды. Әр сыныптан бір ата-анадан қатыстырылды.
Ата – аналарға арналған мектеп: «Ата – аналардың балалармен қарым – қатынасы және оның баланың моральдық қасиетінің дамуына әсері», «Баланың қиын жағдайға тап болуы» тақырыбында мектеп психологі Б.Н.Әбибулла ата – аналар жиналысын ұйымдастырып, белсенді пікір алмасу, тренинг өткізді. Ата – аналармен қызықты ойындар ұймдастырылды.
«Менің болашақ мамандығым», «Ата – анамның мамандығы» атты 9-11 сыныптар арсында сынып жетекшілер тәрбие сағаттарын өткізді. «Мамандығым – мақтанышым »атты кездесу кеші өтті. Оқушыларға кәсіптік бағдар беру, оларды кәсіптер әлемімен таныстыру, алған блімдерін өмірде қолдана алуға үйрету жұмысына маңызды рөл атқарады. Мектеп оқушыларына мамандық таңдауда көмек көрсетуге бағытталған жұмыс жоспарына сәйкес іс-шаралар жыл бойы жүйелі өткізілді. Тәрбие сағаттарында "Барлық мамандықтар маңызды", " Мен болашақта кім боламын?", "21 ғасыр мамандықтары" тақырыптарда 5-8 сынып жетекшілері балаларға іскерлік ойындар, бейнероликтер, викториналар арқылы кәсіптерімен таныстырды. Бастауыш сынып мұғалімдері оқушыларға мамандық таңдаудың ерте пропедевтикасын жүргізуе бағытталған іскерлік ойындар, тұрмыстық ойындар, сюжеттік –рольдік мамандық туралы қойылымдар көрсетіліп, өткізді. Еңбек сабақтарында оқушыларды қолөнер, ұлттық өнерді дәріптеу, жеке кәсіпкерлікке тәрбиелеуде. Жұмыс нәтижесі бойынша көрме ұйымдастырып, өздерінің қолдан жасаған жұмыстарымен таныстырады.Сонымен қатар білім алушылар танымдық және кәсіби қызығушылықтарына сәйкес қоғамдық пайдалы қызметке тартылады: жобалау-зерттеу қызметіне конкурстарға, көрмелерге, фестивальдарға)қатысуы қамтамасыз етіледі.Кәсіби бағдар беру-жас ұрпақты өзіне ұнаған тиісті мамандықты саналы таңдап алуға дайындауға бағытталған іс-әрекет екендігін ескере отырып, жаңа мамандықтар тізбесімен таныстырды.
Сәуір айының 17- күні мектебімізге «Қазақ ұлттық аграрлық зерттеу университеті», «Бизнес және құқық»жоғары мектебінің мамандары біздің 11 «А», 11 «Ә»,11 «Б»сынып оқушыларына өздерінің білім беру бағдарламасын ұсынып , кездесу ұйымдастырды. Бейінді пәндерді атап өтті. География-математика пәндерінен шекті балы 65, Д.ж тарихы –құқық негіздері 75 бал мен ЖОО-орынына қабылданады. Төмендегі мамандықтар бойынша білім алуына болатындығын атап өтті.Экономика,менеджмент,мемлекеттік және жергілікті басқару,маркетинг,агротуризм,қаржы,есеп және аудит,бағалау,құқықтану.
Жаратылыстану ғалымдары,математика және статистика: Биотехнология, биоинженерия, биоинформатика, экология.
Инженерлік, өңдеу және құрылыс салалары: Электротехникалық инжиниринг, жнергетикалық жүйе инжинирингі, жылу энергетикасы, автоматтандыру және басқару,технологиялық машиналар және жабдықтар, машина жасау,көлікті техника және технологиялар, азық –түлік өнімдерінің технологиясы, тағам қауіпсіздігі.
Сонымен қатар бұл оқу орынында Әскери кафедра бар екендігі айтылды. Лейтенант 2 жыл, сержант -1 жыл оқиды. Мекен жайы Алматы қаласы, Абай даңғылы 8.
Зияткерлік тәрбие, ақпараттық- мәдениет тәрбие бағыты
Зияткерлік тәрбие, ақпараттық мәдениет тәрбиесі әрбір тұлғаның зияткерлік мүмкіндігін,көшбасшылық қасиеттерін және дарындылығын, сондай-ақ ақпараттық мәдениетін дамытуды қамтамасыз ететін уәждемелік кеңестік қалыптастыру мақсатында қыркүйек айының 13 – нен бастап қазан айының 13 – не дейін «Зияткерлік тәрбие, ақпараттық мәдениет» айлығы өтті.Оқушылардың өзін –өзі тану қабілетін зерттеу жұмыстарын психологтар үнемі жүргізіп отырады. 1 -11 сыныптар арасында «Интернет кеңістігінде өзін – өзі ұстау мәдениеті» атты тәрбие сағаттары өтті. 9-11 сынып оқушылары «Мен таңдаған мамандық» тақырыбында эссе байқауы, «Салауатты өмір салтының еріктілері» 1-4-сыныптар арасында суреттер салу конкурсы өтіп, инстаграмм желісіне жария етілді. «Кітап –жан азығы» челленджі өтіп, кім қандай тақырыпта кітап оқығаны туралы 5-7-сыныптарда пікірлесу сағаты, минуттық ролик түсірілді. Нәтижесінде оқушылар қазіргі заман талабындағы кәсіби мамандықтар туралы білімдерін кеңейтті. Сонымен қатар жас ерекшеліктеріне сәйкес зияткерлік, мәдени-көпшілік және спорттық іс-шаралар жүйесі болды. Балалардың сыныптан тыс жұмысқа қатысуын ынталандыру жүйесі бар. Сыныптан тыс іс-шараларды ұйымдастыру және өткізу мұғалімнің көмегімен жүзеге асырылады және оқушы тұлғасын дамытуға бағытталған.
Көпмәдениетті және көркем-эстетикалық тәрбие бағыты «Оқуға құштар мектеп » жобасын басшылыққа ала отырып, «Тіл мерейі – ел мерейі» атты кітап көрмесі ұйымдастырылды.
Мақсаты: Оқушылардың әдеби кітапқа құштарлығын арттыру, маңыздылығын түсіндіру, кітапханаға оқырмандар тарту,оқырмандардың сөздік қорын,ой өрісін дамыту,рухани тәлім тәрбиеге баулу,көркем әдебиет оқуға тәрбиелеу.
Бүгінгі кітап көрмесі бәрімізді білімді өнерлі болуға тәрбиелеп,талай ғажап істердің қүпиясын ашуға көмектесетін ақылдың кені –кітапқа арналады.
Ахмет Байтұрсыновтың 150 жылдығына орай «Ұлттың ұлы ұстазы»; «Ұстазым – мақтанышым»; Мухтар Әуезовтың 125 жылдығы; Әзілхан Нұршайақовтың 100 жылдығына «Ерлік пен махаббат жыршысы» атты кітап көрмелдері өткізілді.
Кәмелетке толмағандар арасындағы құқық бұзушылықтың алдын алу мақсатында сенім жәшігі орнатылғаны жайлы және сенім телефоны туралы
Мектепте арнайы «Сенім жәшігі» мектеп ғимаратының 1 қабатында орнатылған. Аптасына бір рет комиссия мүшелері түскен хаттарды ашып, хаттамасын толтырып отырады. Сенім жәшігін қою мақсаты: оқушылардан түскен ой-пікірлерді анықтау, барлық кемшіліктерді түзеуге жұмыс жүргізу. Түскен ой-пікірлерді талқылау және оны ары қарай жоспарлы түрде жұмыстар жүргізу. Сенім жәшігіне арнайы комиссия мүшелері құрылды. Жәшікті үнемі комиссия мүшелерінің қатысуымен ашылады. Білім алушылар мен қызметкерлердің құқықтарын қорғау, қылмыстық пен құқық бұзушылықтың және сыбайлас жемқорлық пен зорлық- зомбылық фактілерімен күресу және болдырмау мақсатында жоспар құрылды.Жоспарға сай жұмыстар жүргізіледі.Білім алушының құқын қорғау, зорлық –зомбылық, қорқытып ақша талап ету және өзге де фактілерді анықтау мақсатында мектеп психологы сауалнама алды.
Құқықбұзушылықтың алдын алу мақсатында мектеп инспекторымен өткізілген жиналыс
Мектебімізде, 20 қазанда мектеп инспекторы Амантаева А.М. 5-11 сынып оқушыларымен кездесу өткізді. Оқушылардың құқықтық білімдері және заң алдындағы жауапкершіліктерін арттыру мақсатында, жасөспірімдерді қылмыстық әрекететтерден бойларын аулақ ұстауға шақырды. Қылмыстық жауапкершіліктің түрлерімен таныстырды. Жиналыс барысында қылмыстың алдын алу, баланың бұзықтық жолға түспеуі, ата-ананың, мектеп пен мектеп инспекторларының бірлескен іс-қимылына байланысты екендігі туралы айтылып өтті. Сондай-ақ нашақорлық, темекіге, ішімдікке үйірлік бұзықтық жолға түсіп зорлық-зомбылық жасауға мүмкіндік туғызады, еңбек етуге, қоғамға, денсаулыққа, ұрпаққа, отбасына зиянын тигізеді. Кездесу барысында инспектор оқушыларға қандай да бір құқық бұзушылық оқиғасының куәсі болса немесе басына қауіп -қатер , ақша бопсалау, әлімжеттік, қарақшылық әрекеттері туындаса тікелей хабарласуға болатындығын айтып , иесінің аты-жөні құпия сақталатынын хабардар етті. Кездесу барысында мектеп инспекторы Амантаева А.М. Қазақстанда заң бойынша кәмелетке толмаған жасөспірімдерге түнгі сағат 21.00-ден кейін компьютерлік клубтарда отыруға және түнгі 22.00-ден кейін көшеде ата-анасының немесе заңды өкілінің еруінсіз жүруге тыйым салынғанын айтып, жалпы түсінік беріп өтті. Жиналыста оқушылар көкейінде жүрген сауалдарды қоюға мүмкіндік алды. Оқушылар құқық бұзышылық, соның ішінде бұзақылық , ақша бопсалау , күш көрсету фактілері мектепте болмағандығын баяндады.
-Көшеде түнгі беймезгіл уақытта қалмауға тырысу, көшеде танымайтын адамдармен әңгімелеспеу адамдар жоқ орындарға және т.б. жерлерге бармау. Қауіп-қатер азайту, балаларды зейінділікке, сақтыққа, қауіпті жағдайлардың алдын алуға үйрету керек.
- Егер үйде жалғыз болғанда, бөтен адамдарды үйге кіргізбеу керек;
- Бөтен біреудің машинасына отырмау, қыдырып жүргенде бөтен адамдардан тәтті, сыйлықтар алмау керек.
-Көшеде кешкі 22:00 ден бастап ата –ананың рұқсатынсыз жүрмеу қажет.
Мектепте қандай жағдай орын алса да бірінші сынып жетекшіге айту.
Балалар арасындағы жарақаттанудың алдын –алу жайлы ақпарат
Жарақаттарды болдырмау қазіргі заманғы қоғамның маңызды міндеттерінің бірі болып табылады. Дене тəрбиесі кезінде жарақаттану, аурулар мен жазатайым оқиғалардың алдын-алу бойынша жұмыс мұғалімдердің ең маңызды міндеттерінің бірі болып табылады. Сонымен қатар ұйымдық, əдістемелік, санитарлық-гигиеналық сипаттағы бұзушылықтардың көпшілігі оқушыларды жарақатқа жəне денсаулықтың нашарлығына əкеледі. Дене шынықтыру жəне спорт кезінде дене жарақаттарын, аурулар мен жазатайым оқиғалардың алдын-алу бойынша жұмыс мұғалімдердің, жаттықтырушылардың, нұсқаушылардың, медицина қызметкерлерінің жəне оқу орындарында маңызды міндеттерінің бірі болып табылады. Дегенмен, бұл əрдайым емес жəне бұл жұмысты үнемі жəне дəйекті жүргізе бермейді. Ұйымдастырушылық, əдістемелік, санитарлық-гигиеналық сипаттағы бұзушылықтардың көптеген оқиғалары оқушылардың жарақаттануына алып келеді. Оқушыларға спорттық құрал-жабдықтар, физикалық көмек, сақтандыру жəне өзін-өзі сақтандыру бойынша қауіпсіз жұмыс істеу маңызды. Көмек зерттелетін жаттығудың бір бөлігін немесе барлығын дұрыс жəне сəтті аяқтау үшін мұғалімнің немесе оқушының физикалық күш-жігерінде жатыр. Физикалық көмектің негізгі түрлері мыналарды қамтиды: сымдармен көмек көрсету; бекітуді қолдау; итермелеуге көмектеседі. 1. Сақтандыру мұғалімнің немесе оқушының жаттығуды сəтсіз орындаған тəжірибеші маманға көмек көрсетуі. Оқушылар өздері жасаған кезде дене шынықтыру сабақтарында физикалық көмек азайтылады немесе тоқтатылады. 2. Өзін-өзі сақтандыру – бұл қауіпті жағдайлардан өз бетімен шығуға тартылған адамдардың, сонымен бірге жаттығуды тоқтату немесе ықтимал жарақаттардың алдын алу үшін оны өзгерту мүмкіндігі. Мысалы, алға қарай құлап кету жағдайында біркелкі емес жолақтарда стенд жасағанда, студент алға қарай алға жылжу керек; құлауды тудыратын раковиналардан секіріп жатқанда, сондай-ақ соқтығысуды орындайды. Дене шынықтыру жұмыскерлерінің ең маңызды функцияларының бірі спорттық жарақаттардың алдын алу болып табылады. Жарақат алу себептері, əдетте, оқу үрдісін жəне бəсекелестік ережелерін бұзу, сондай-ақ санитарлық-гигиеналық сипаттағы бұзушылықтар болып табылады. 5 Қорытынды Қорыта айтқанда, алдымен əрбір студенттің жеке тұлғалық əлеуметтік құзіреттілігін дамыту керек. Дене шынықтыру сабақтары кезінде, əрине, дұрыс ұйымдастырылған, мінезқұлық, қозғалыс дағдылары қалыптасады жəне жетілдіріледі. Бұл қасиеттердің барлығы жарақаттанудың алдын алу үшін қажет. Бұл ретте жаттығуларды ғана емес, сонымен қатар шығармашылық элементтердің салынғаны маңызды.
Мектептегі ұлдар мен қыздар тәрбиесі жайлы ақпарат
Мектебімізде ұлдар мен қыздар тәрбиесі жайлы толығырақ мәлімет беру және алу мақсатында мектеп медбикесі мектепшілік дөңгелек үстел өткізді.
Мақсаты: Ер балалар арасында зиянды әдеттердің алдын алу, спорттық іс-шараларға қатыстыру арқылы салауатты өмір сүру салтын насихаттау, өскелең жас ұрпақтың бойында патриоттық білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру, отбасында да, қоғамдық ортадағы тәрбиеде де ер баланы еңбек етуге, еңбексіз бос отыра алмайтындай сезімге тәрбиелеу болды.
Мақсаты: Сыныптағы әрбір қыз баланы ибалылық сақтауға баулу, құқықтық, адамгершілік, имандылық, эстетикалық тәбие беру. Қыз балалардың мінез-құлқын тәрбиелеу бойынша жұмыс оларды нәзіктікке баулу, отбасындағы алатын орны, ептілік пен шеберлік қалыптастыру, сондай-ақ қыздардың сұлулық,әсемдік, жақсы қарым-қатынас сияқты ұғымдармен таныстыруға бағытталған. Гигиеналық жағынан қыз балаларға жыныстық жетілу кезеңінде өздерінде болып жатқан физиологиялық және психоэмоционалдық өзгерістерді түсіндіріп, жеткізе білу. Бұл жұмыс қыз балаларға қамқорлық, ниет білдіру, жан жылулығын сезіндіру үшін және қыз баласына тән белгілі бір ұнату сезімін бастан кешіру кезінде түсініспеушілік болса, оған қыздардың мұңайып, өздеріне жамандық жасамауы үшін алдын алуға міндеттейді. Тек қана рухани тұрғыдан емес қыздарымызды таза, әсем, жарасымды киім киіп, өздерін күтуге, шаш өруге, шаштарын соңғы сән үлгісімен өздеріне жарасатындай қиюға кеңес беру, үйрету ескеріледі. Сонымен бірге өз құқықтырын біліп, өздерін қорғауға және мектеп оқушыларының, яғни өз міндеттерін дұрыс орындауға тәрбиелеу. Оқып-үйрену процесінің ерекшелігін және күрделілігін ескере отырып, қыз балалар тәрбиесінің табысты болуына төмендегідей қолайлы жағдайларды жасау ескерілмек:
Мектептегі жаймашуақ орта;
Мұғалімдер, сынып жетекшілері тарапынан тәрбиеленуші қыздарға құрмет пен сенім;
Әрбір оқушы қыз баланың мүддесіне көңіл қою;
Айналадағы адамдардың мүдделерін есепке алып, балалардың өзіндік пікірін айтуға қолдау көрсету;
Мәселелерді шешу барысында тәсілдер табу бойынша жеке мысалдарды өзіндік пікірін айтуға қолдау көрсету. Мектепте қыз балалардың тәрбиесіне, оларда заман талабына сай бойжеткен идеалын қалыптастыруға және мінез-құлық критерийлерін нақты айқындауға ерекше көңіл аудару қажет екендігі айтылды.
«Парасат» дебаттық клубының жұмысы туралы ақпарат
«Парасат» дебаттық клубының алға қойған мақсаты – Оқушылар арасында ақпарат алмасу, жоспарға сай бірлесе кештер өткізу, оқуға деген қызығушылығын арттыру, ой-өрісін жан-жақты кеңейту. Көпшілік алдында сөйлеу мен тілдесу дағдысын және тұлғаның өздігінен білім алу мен шығармашылық қабілетін қалыптастыру.
«Парасат» дебаттық клубының негізгі қағидалары:
еріктілік;
ашықтық;
адамгершілік;
толеранттылық;
адамдардың құқықтары мен бостандықтарының басымдығы;
Мектебімізде «Парасат» дебаттық клубы құрылды. Құрамында 10 оқушы, жетекшісі Досымханова М.С. дебаттық клубтың жұмысын ұйымдастырып, іс-шараларды жүргізіп отырады. «Парасат» дебаттық клубының жұмысын ұйымдастыру барысында мектепішілік бұйрық шығарылды. «Парасат» дебаттық клубының жұмыс жоспары жасалып , бекітілді. Жоспарға сай жұмыстар атқарылды.
Рухани адамгершілік білім беру айлығы
Рухани адамгершілік білім беру айлығының жоспары құрылып ,
жұмыстар атқарылды.
10.01.2022ж. 9 сынып жетекшілері «Баланың тәртіпсіз болуы кімге байланысты? Балаға ма?Ата-анасына ма?» тақырыбында пікірталас жасады.
18.01.2022ж. 5-11 сыныптар «Иманды ұл, инабатты қыз елдің көркі» тақырыбында тәрбие сағаттары болды.
1-4 сыныптар «Адамгершілік – асыл қасиет» тақырыбында тәрбие сағаттары болды.
27.01. -04.02.2022ж. Ы. Алтынсарин «Әр нәрсенің сыртына қызықпа, асылы ішінде» тақырыбында отбасымен бірге кітап оқу жұмысы жүргізілді
Мектеп кітапханашысы Қадыр Мырза Әли «Адамның шашқаны емес – тергені, Алғаны емес – бергені қалады» тақырыбында кітап көрмесін ұйымдастырды
Атқарылған жұмыстар мектептің инстаграмм парақшасында жарияланды.
2 «А»сынып жетекшісі Дүйсенова С.Ж. «Досы көпті, жау алмайды»сынып сағаты өткізілді.Оқушылар достық туралы білім деңгейін кеңейтіп, нағыз досты тани білуге үйрену.Адам бойындағы адамгершілік қасиеттерді сақтай білуді, досты қадірлеуді үйренді.
1 «В»сынып жетекшісі Елубаева К.А. «Қарттарым – асыл қазынам!»тақырыбында сынып сағатын өткізді.
«Жасөспірім» жедел-профилактикалық іс-шара туралы
«Жасөспірім» жедел-профилактикалық іс-шара жоспары құрылып, жоспарға сай жұмыстар атқарылды
Мақсаты: Кәмелетке толмағандар арасындағы құқық бұзушылықтардың алдын алу мен балалардың қадағалаусыз және панасыз қалуының алдын алу
15.03.2021ж 5-11 Сынып жетекшілер «Заң білімі – заман талабы»тақырыбында тәрбие сағаты өткізілді.
16.03.2021ж1-4 Сынып жетекшілер «Құқық әлемінде» тәрбие сағаты
17.03.2021ж «Жасөспірімдер арасында қылмыстың алдын алу»тақырыбында ДТІЖО және мектеп инспекторымен онлайн кездесу өтті.
18.03.2021ж Мектеп психологы «Мен және менің құқығым» тақырыбында бейнеролик көрсетті.
16.03-19.03.2021ж Дүкен сатушыларымен кәмелетке толмағандарға алкогольді ішімдіктерді және темекi бұйымдарын заңсыз сату, болдырмауы туралы профилактикалық әңгіме жүргізу барысында ДТІЖО және мектеп инспекторы рейд жұмыстарын жүргізді.
18.03.2021ж 1-11 Сынып жетекшілер Қауіпсіздік ережесінің нұсқаулығымен таныстырды.
«Адал ұрпақ» ерікті мектеп клубының жұмысы
Мектебімізде 2022-2023 оқу жылына арналған Сыбайлас жемқорлыққа қарсы мәдениетті қалыптастыру бойынша «Адал ұрпақ» ерікті мектеп клубының жоспары құрылды. Жоспарға сай жұмыстар атқарылды.
9-11 сынып оқушылары «Қоғамдық тәртіп» тақырыбында пікірталас өткізді.
5-8 сынып оқушыларымен «Заңды білу –заман талабы» тақырыбында тәрбие сағаттары өтті.
5-7 сыныптар Балаларға арналған ар-ұят, абырой, жауапкершілік, адалдық, әділеттілік сияқты қасиеттерді насихаттайтын қойылым көрсетті.
7-10 сынып оқушыларымен «Адал және сатылмайтын еңбек бейнесі» тақырыбында тәрбие сағаттары өтті.
Мектеп инспекторы 7-10сынып оқушыларымен Құқық бұзушылықтың алдын алу мақсатында түсіндіру жұмыстарын жүргізді.
Отбасы тәрбиесі айлығы
Мақсаты: Неке және отбасы мүшелерін құрметтеу құндылықтарын тәрбиелеу; отбасы мен достарына деген адалдық; отбасылық дәстүрлер; жәдігерлер мен әдет-ғұрыптарды құрметтеу; ана болудың қасиеттілігі; олардың психологиялық-педагогикалық құзыреттілігі мен балаларды тәрбиелеу жауапкершілігін арттыру.
Мектебімізде 11 мамыр мен 25 мамыр аралығында Отбасы тәрбиесі айлығының жоспары құрылды. Жоспарға сай жұмыстар атқарылды. Отбасы оқыту мен тәрбие жұмысындағы мектептің одақтасы. Бала тәрбиесінің отбасыда, мектепте нәтижелі болуы осындай ынтымақтастыққа негізделеді.
11.05.2022ж 1-4 сыныптар «Отбасым алтын қазынам» тақырыбында тәрбие сағатын өтті
11.05.2022ж 5-11 сыныптар «Отбасы – бақыт мекені» тақырыбында тәрбие сағатын өтті
12.05.2022ж Ата-аналарға арналған сауалнама «Сіз және балаңыздың мектебі» Мектеп психологы жүргізді
13-14.05.22ж 15 мамыр-Халықаралық Отбасы күніне орай, көркем еңбек пәні мұғалімдері сурет көрмесін ұйымдастырды
16.05.2022ж Ата-анаммен өткізген бір күнім «Әке көрген оқ жонар, шеше көрген тон пішер» тақырыбында бейнеролик
17.05.2022ж 5-11 сыныптар арасында «Жігітке жеті өнер де аз» тақырыбында жігіт сұлтаны байқауы.
Түнгі жаппай тексеріс /рейд/
Талғар ауданы білім бөлімі басшысының хатына сәйкес «Түнгі қаладағы балалар» кешкі рейдтік іс-шарасына сәйкес, мектепішілік бұйрық шығарылды
Түнгі уақытта көшеде, ойын сауық орындарында жүрмеу, балалар қауіпсіздігі, кәмелетке толмағандар арасында құқықбұзушылықтың алдын- алу мақсатында мектеп әкімшілігі түнгі уақытта тексеріске шығуға кесте жасалды
Түнгі уақытта тексеріс сағат 21.00-06.00 -ге дейін жүргізілді.
Түнгі тексеріс жүргізуге: Аудандық полиция басқармасының өкілі – мектеп инспекторы А.А.Манкусова. Математика пәні мұғалімі- Мұхаметкәрім Ахмет және техология пәні мұғалімдері- Мусабалаев Нұрсултан, Гумаров Мереке; Дене шынықтыру пәні мұғалімдері – Тлепберген Айдын, Пердебаев Заманбек, Каримов Қанат,Мусаев Руслан. Сондай-ақ 9 сынып жетекшілері- А.М.Садуова, Н.Г.Ахметсеитова, Ұ.О.Кобанова; 11 сынып жетекшілері- М.Қадырқожақызы, Н.С.Асадуллаева, Б.Дүйсенбай тексеріс кезекшілігіне шықты.
Бұйрықтың орындалу барысын қадағалауды ДТІЖО – А.Б.Рысқұлова және мектеп психологі Б.Әбибуллаға жүктелді.
Жазғы демалыс кезеңінде балалардың сауықтыру демалысын, бос уақытын және жұмыспен қамтылуын қамтамасыз ету жөніндегі жазғы алаң жұмысы туралы
2022-2023 оқу жылындағы жазғы алаң атауы: 1 – 4 сыныптар «Достық» тобы және 5 сыныптар «Күншуақ»тобы жұмыс істейді. Жазғы алаң жұмысы
1 маусым мен 31 тамыз аралығын, 13 аптаны қамтиды, жұмыс кестесі бойынша жауапты дене шынықтыру мұғалімдері мен сынып жетекшілері танысты.
Лагерь мақсаты:
Лагерге келген әрбір оқушыны алдымен жақсылыққа , адамгершілікке, ұйымшылдыққа тәрбиелей отырып, оқушылардың жазғы демалыс уақытын тиімді пайдалана білуге үйрету. Балалардың жаз мезгіліндегі демалысын, сауықтырылуы мен тиімді әрі мағыналы өткізуге жағдайлар жасау, қауіпсіздік ережелерін үйрете отырып салауатты өмір салтын қалыптастыру, рухани және мәдени білімдерін жетілдіру, салт - дәстүрін дамыту. Отансүйгіштік - патриоттық сезімін арттыру.
Міндеттері:
- Лагерьге балалардың уақытымен, толық келулерін қадағалау;
- Әр күнді бағдарлама бойынша ұйымдасқан түрде өткізу;
- Балалардың ойын алаңындағы ертеңгілік дене жаттығуларын, қимыл- қозғалыс ойындарын бақылауға алу;
- Саяхат және жорық кезіндегі қауіпсіздік ережелерінің сақталуын еске алу, бақылау;
- Лагерь жағдайында бірыңғай тәртіпте салтанатты жиындар өткізу;
- Сурет, қолөнер тақырыптарында шығармашылық қабілеттерін
арттыру мақсатында көрме, конкурс ұйымдастыру;
- Ұлттық ойындар, логикалық және спорттық ойын түрлері арқылы
балалардың қызығушылығын арттыру.
Жазғы демалыс лагерінің күн тәртібі
09.00-09.30 «Қайырлы күн,балақай!» (Оқушыларды қарсы алу)
09.30-09.45 «Шынықтырып денені...» (Ертеңгілік жаттығулар)
09.45-10.15 «Білім өмір азығы» (Психологиялық тренинг сағаттары)
10.15-11.30 «Бой жазайық,кел,ойнайық!» (Спорттық ойындар)
11.30-12.00 «Біл! Үйрен! Көрсет!» (Саяхаттар, шығармашылық жұмыстар, танымдық ойындар, шығармашылық мерекелер.)
«Жақсылықпен кездесейік!» (Шығарып салу)
Күтілетін нәтиже:
- Балалардың денсаулығын нығайту және жеке гигиена дағдыларын үйрету.
- Түрлі шараларға қатысу арқылы балалардың табиғи қабілеттерін
ашу, шығармашылығын дамыту.
- Мейірімділікке, өзін-өзі сыйлауға, бір-біріне қолдау көрсетуге,
достық қарым-қатынасты қалыптастыру.
- Табиғат аясында, көлікте, көшеде және қоғамда жүріп-тұру
ережелерін қалыптастыру
«Қазақстан – бақытты балалық мекені!» жазғы демалыс кезінде балалардың сауықтырылу демалысын, бос уақытын тиімді пайдалану мақсатында 01.06 – 31.08.2023 ж аралығында 1-4 сыныптар арасында «Достық» тобы құрылды. Лагерге жауапты мұғалімдер тағайындалып, ДТІЖО А.Б.Рысқұловамен ауданнан жіберілген концепция негізінде атқарылатын жұмыс жоспары құрылды.
Лагердің ашылу салтанаты 1-маусым балаларды қорғау күніне орай «Қазақстан – бақытты балалық мекені!» атты мерекелік концертпен басталды. Мерекелік салтанатты 300-ден аса мектеп оқушылар және ата-аналары тамашалады. Мерекенің ашылу салтанатында мектеп директоры Махметова Айгуль Аблановна сөз сөйлеп, балаларды келіп жеткен мерекемен құттықтады. Сонымен қатар қамқоршылық кеңестің мүшесі Базарбаева Л.С. мен ата-аналар комитеті А.А.Көмекбай, ауыл белсендісі Айдар Ниязалиев балаларға тегін тәттілер, балмұздақтар таратты. Мектебіміздің әкімшілік мүшелері үйден оқытылатын төрт оқушыға арнайы сыйлықтар жасап мектеп директорымен үйлеріне барып құттықтап шықты. Өткізілген іс-шаралар мектебіміздің әлеуметтік желісінде жарияланып отырды.
05.06. – 09.06.2023ж маусым аралығында «Қауіпсіз жаз», «Безопасное лето» апталық тақырыбы бойынша Бидайбекова Д,Әлханова М, Мамырбекова А, Қоңыратбай А белгіленген тақырыптар бойынша жұмыстар жүргізді.
05.06.2023ж күні Бидайбекова Д балалармен танысу мақсатында «Алақан» тренингі өткізілді. Сол арқылы балалар өздерін таныстырып өтті. «Қауіпсіз жаз» апталықтың тақырыбын ашу мақсатында балаларды қауіпсіздік ережелерімен таныстырып, балалар қауіпсіздікпен таныстық деп қол қойды. Балалармен «Көңілді шар», «Кім тапқыр?», «Мені тыңда», «Орындық» ойындары ойнатылды. Балаларға тәттілер үлестірілді.
06.06.2023ж күні Әлханова М «Do you speak English?» тақырыбында ағылшын ойын сабағын өтті. Балалар көңілді ойындар ойнай отырып, ағылшын тіліндегі сөздермен танысып, қайталады.
07.06 күні жоспар бойынша балалар «Жаз қызықтары» тақырыбында Мамырбекова А. асфальтта сурет салдырды.
Эстафеталық ойындармен бой жазып қайтты.
08.06 күні Қоңыратбай А «Жұлдыз бала» атты шығармашылық шеру өткізді. Балалар өздерінің өнерлерін көрсетті. Би билеп, көркем сөз оқып, домбырада күй шертіп, көңілді әндер де шырқалды. Қыздар мен ұлдар болып бір-бірімен спорттық жарыста көңіл көтерді.
09.06 күні «Sport/ekb» туристік слеті тақырыбында балалармен табиғатқа саяхат жоспарланған болатын ауа райының қолайсыздығына байланысты (қатты жел) меткеп ауласында балалармен ойындар ойналып, балалар үйден әкелген тағамдарымен сыныпта көңілді отырыс өткізілді.
«Қауіпсіз жаз» тақырыбындағы апталық жазғы алаңда 1,2,4,5- сынып оқушылары қатысты.
Жүргізілген жұмыстардың фото,видео есептері мектептің инстаграм парақшасында жарияланып отырды.
Мектепішілік 2021-2022 оқу жылына арналған мектептің ұйымдастыру жоспарына сәйкес жылдық іс-шаралар өз деңгейінде өткізілді.